Nizan Mindat khawpi idoh kahnak ah Ralhrang 3 athi, Matupi zong ah idoh kahnak ah ralhrang 5 an thi ve fawn,

October 31, Nizan ah khan Mindat CDF pawl nih an khuapi pawng Sicheh ah ralhrang hna um mi cu, an luh hnawh hna-I an ikap ve cawlh zan lei suimilam 4:00pm in 1:00am tiang an ikap hna tiah theih asi, mah an ikahnak ah hin Military ralhrang minung 3 ahmun ah an thi cawlh, hliamhma ngei 8 an um tiah, CDF Mindat lei hliamhma ngei pakhat an um ve tiah Mindat hruaitu Ko Yaw Mang nih cun news site ah an langhter, Mindat CDF hna nih mah operations an ngeihnak hmun hi Mindat khuapi Sicheh pawng military ralhrang umnak camp ah asi, mah operations hi Thantlang khua caah tiah tarlan asi.

CDF Matupi miphun ralkap hna le military ralhrang idohnak ah ralhrang 5 an thi tiah theih asi,

Nizan Oct 30 ah khan Matupi Ngaleng khua tlangval minung 12 hna cu, Military ralhrang hna nih an tlaih tiah theih asi, Ngaleng khua hi Mutupi in Hakha lei kalnak lampi asi, Matupi in km 10 hrawng ah um mi khua asi, Matupi le Phaneng khua karlak ah hin, Military ralhrang hna umnak camp asi, mah hmun ah um mi hi Khah-Lah-Yah-N0-140 asi, Ngaleng khua mipi pawl hi khua chung ah um ngam lo in, ram tang hna le khua dang hna ah an zam dih asi, khua chung ah um mi hi tlawmte long an si cang.

Camp Khah-lah-Yah-N0- 140 ralhrang hna nih hin Ngaleng khua tlangval rual minung 12 an tlaih hnu ah hin, CDF Matupi le military ralhrang hna hi an idoh ve cawlh khi asi, mah idoh kahnak hi can sau ngai an idoh hna hnu ah hin ralhrang lei minung 5 an thi pin ah hliamhma ngei zei maw zat an ngeih fawn cang hnu ah CDF hna nih an kir tak tiah theih asi, CDF Matupi lei hi thi le hliamhma ngei an um lo tiah report ah langhter asi, mah idohnak hi Matupi in km 9 thlatnak Paletwah lei lampi ah asi tiah, Tha Naing Matupi nih achim.