NUG Acoyah Federal Union Minister Dr. Lian Hmung Sakhong le Gwangju khuapi Mayor he an iton nak kong,
NUG Minister Dr. Lian Hmung Sakhong le Gwangju khuapi Mayor he an iton nak kong ah, NUG Federal Union Minister Minister Dr. Lian Hmung Sakhong le South Korea, Gwangju khuapi Mayor Mr. kang Gi Jung hna cu, an ram suimilam tlai 3:10 ah khan acoyah hmun pawimawh Hall-ah an iton/hmu hna khi asi, NUG le South Korea aiawh hna he cathanh an tuah ah tar la nasi.
Dr. Lian Hmung Sakhong hi S. Korea ram ah International le Myanmar Federal Democracy kong ah ruahti hna ding le ceih mai ding ah adang tein sawm mi hrimhrim mi asi, mah an iton nak ah hin, Gwangju khuapi Mayor nih cun S.Korea acoyah le ram chung mipi hna nih hin Myanmar dirhmun hi kan theih ko, ralkap nawlngeihnak tang ah Myanmar mipi hna nih an tuar ning vialte hna hi kan theihthiampi ngai ngai ko, NUG acoyah hi acoyah pitling si ding ah rem kan tipi bak mi asi tiin achim.
Mah pin ah hin S.Korea acoyah nih hin Spring Revolution ah hma nan laknak le nanthuatnak kong ah kan support bak fawn tiah ati, Myanmar ram nih Democracy an si khawh nak ding ah bia tak tein nan thuat/dohnak ah le kan nih zong nih asi khawh chung in hmalak kan lakpi ve tiin a chim fawn, a herh nak poh ah tuanti le ceih maiti peng ding ah kan huam ko tiah a chim fawn, an iton nak nih hin thil tha tampi achuahter lai tiah beisei asi.
Dr. Lian Hmung Sakhong zong nih kum 1980-ah Jon Du Wan-ah an ithuatnak kong hna arak theih tuk ve hna khi asi, mah an ithuat/dohnak ah hin, Myanmar Democracy Revolution hma lak cuah mah lio zong nih zoh chun arak herh ngai ko, N.Korea acoyah le mipi hna sin ah lawmnak bia achim kong cathanh nak ah langhter asi, mah an ihmuh tonnak ah hin, NUG Union Minister nih cun S.Korea acoyah le NUG acoyah hna he riantuanti ding le a herh ning in hma lak pi ding ah, Mayor Mr. Kang Gi Jung nih asawm bak mi asi kong tarlan asi.
Dr. Lian Hmung Sakhong zong nih hin S.Korea aiawh Gwangju-cu, kum 1980, May 18-ah Martar thlan hna ah kal in upat tihzah nak a pek, chibai a buk nak kong tarlan asi, Dr. Lian Hmung Sakhong nih hin NUG an dir hnu ah hin NUG acoyah min in S.Korea ah atlawngnak vawikhatnak asi kong theih asi, Kan Chin Politics Pasal tha Bawipa nih lam hrui peng ko hna selaw damnak pe zungzal ko se.