NUG nih hriamnam caah bawmnak ahal mi cu kan hmuh ko nain hriamnam lei cu kan bawm lai maw bawm lai lo timi afiang rih lo tiah US Ambassador nih ati,

Mah ah hin afiang ngai mi cu Post hmasa bantuk khan US nih hin Min Aung Hlaing hi asung.withdraw mai ding hi an beisei ko, mah can cu an hngak deuh siin alang, An beisei ning in thil akal lo khi asi, ram buainak cu a zual lei a pan peng caah hin hriamnam lei hi, bawmnak pek hi apoi lai lo ti phun in achimnak pakhat asi, Sihmanhselaw US long si lo in, Australia, Japan, French pin ah National Unity Government NUG supporttu ram hna nih, hriamnam lei hi bawm an duhtuk ko nain, UN lei nih NUG hi Myanmar Official acoyah taktak ah apawm rih lo ruang ah hin, mah kan chim mi ram hna nih hin, cawlcang khi arem rih lonak tampi angei ve rih caah an bawm rih lo khi asi deuh in alang.

Asi nain boruak umtu ning zoh ah hin bawm khawh cu asi ko, beiseinak zong asang ngai fawn, ASEAN lei cathanh kan zoh than ah cun, Min Aung Hlaing nih zulh ding ah tiah agreement an tuah mi ponits 5 hna kha, Aung San Suh Kyi le President U Win Myint hna a tel lo ah cun chim rel khawh asi lo tiah an ti ve fawn, Min Aung Hlaing- caah mah nawlnak 5 hi, an zulh ah cun tlwam/sungnak phun in ruah asi caah, atu tiang ah hin an zulh rih lo khi asi, can postpone peng khi asi ko, A zulh lo ah cun Myanmar ram pawngkam ah um mi hna le abik in ASEAN nih zeihmanh tuah kho lo in an thlah tawp ko lai, ASEAN nih zeihmanh tuah kho lo in an thlah thlak cang ah cun, khawika hmanh ah atlum ti lai lo tinak khi asi caah, an cawlcang kho thlei lai lo, ram sifak deuh deuh ding dirhmun khi asi ko.

US Ambassador Derek Chollet bia chim nak ah-“Min Aung Hlaing le an tuanpi mi pawl hna hi, ram chung long si lo in vawlei ram vialte hna nih an thlahthlak deuh deuh cang ah cun supporttu ram ngei bak lo in amah longte in akal ko lai tina kasi fawn, Min Aung Hlaing nih “Hi bantuk hin ka aupi rih ko lai tiah, “PDF hna cu aho poh nih hriamnam chiah in arak kir duh asi ah cun lawmtuk in karak pawmpi ko lai, Cun lawman thatuk in katuah piak fawn lai tiin, NUG hmalak nak cung ah atu bantuk in cathanh arak tuah ve fawn kha asi nain, aho hmanh nih zei an rel piak ti lo kha asi, akir duh an um hmanh ah zei hmanh lukhawng man angei bak lai lo timi cu afiang fawn cu mu!

NUG lei nih cun “Tu hlan vialte ah khan Defensive Operation (mah le mah ivenhim pah ah thuat) kha an kalpi mi asi, atu hnu ah cun kengkip in Offensive Operation (luh chuah phun in nawr) tiin an kal ve cang kha asi an tic ang, mah bantuk cun kalpi deuh asi cang tik ah ram chung ah mipi nih cun an tuar deuh ko nain, ti lo awk khin atha ti lo caah asi ko nain, SAC lei ah cun an sung ngai ngai ve ko cang, atu ah hin nichiar in ralhrang ram chung pum huap in 50 le 100 karlak peng hi thi bantuk khanh asi, an mah SAC lei nih cun athi mi hna report hi an chim duh bal lo mi asi, mipi sualnak ngei lo hna cung ah kut an thlak khi asi ko.

Zei anva si zong ah kan ram dirhmun hi atu bantuk dirhmun lio asi ko, Min Aung Hlaing hi zei hmanh ralkap lei tha zang hi an ngeituk ti lo ko nain, Cak-ai nih akua dongh tiang an tan ning bantuk dirhmun asi ko cang, rampi thancho ve ding ah zeihmanh tuaktannak zong angei thiam ti lo, Economic lei ah cuti cun atha lai timi zong zei hmanh Idea angei fawn ti lo khi asi, ram chung thil man sunglawi hna le bang cu China kut ah tampi zuar pia kasi cang cu, thing man tam pi pawl le Sui le Ngun thatha mi hna cu China kut/ram ah alut dih khi asi ko cang, Myanmar ram hi chanhchuah asi hlan cu Uico pawl nih ram dang ah an zuar dih ko lai!

Biachap:- Mipi kilhventu miphun ralkap hna caah hin thilri phunphun hna hi anai bik cem, India Mizoram chung in tawlrel piak hi a rem cang ngai nak asi, amha belte cu acancan ah Assam Rifile pawl nih anrak tlaih piak ah hin apoi ngai twank hi asi ko, ralrin khawhnak chung in tawlrel piak thiam deuh deuh kan her ve fawn, miphun ralkap hna Bawipa nih kilhven peng ko hnaselaw nikhat can khat ah ram tha kan ngeih vete lai!