PDF/CDF tel lo in kawlram pumpi remdaihnak ding ah khawkhan lairel khawh asi ti lai lo tiah KNU Padoh Saw Thamein Tun,
Myanmar ram chung ah lawlawse dirhmun ah afek cang mi hriam tlai le mipi kilhventu PDF/CDF hna tel lo in Myanmar ram remdaihnak um ding ah khawkhan lairel khawh asi ti lai lo tiah KNU Upa pakhat Padoh Saw Thamein Tun nih atu bantuk in news site media ah arak chim mi asi, Min Aung Hlaing nih remdaihnak kong he peh tlai in kar athlang mi ah, atu bantuk in KNU Upa pakhat asi mi Padoh Saw Thamein Tun nih Min Aung Hlaing arak lehnak bia asi.
An mah hna sin ah thil pakhatkhat harsatnak an ngeih can ah tlangcung hna le party, miphun dang hriam tlai hna cu remdaihnak chim ding ah sawmnak arak tuah tawn khi asi tiah ati, mah pin ah atu dirhmun ah hin Min Aung Hlaing hi thazang angeituk lem lo asi cang khi asi tiah achim chap, atu ah remdaihnak ding ah sawmnak le akan auh than nak ah hin EAO hriam tlai hna cu an itel lai, Sihmanhselaw hriam tlai dang hna cu an itel lai lo tiah ati mi cu, PDF/CDF hna hi tel lo ding ah atimi asi lai tiah an ti, PDF/CDF tel lo in Tlangcung hriam tlai hna EAO long tel khawh ding ah atimi asi caah, PDF/CDF tel lo in Myanmar ram pumpi ah remdaihnak kong ah zei tik hmanh ah tlam atling lai lo tiah Padoh Saw Thamein Tun nih achim chih mi asi.
Ethnic Nationalities hna he remdaihnak zong an tuah kho lo, rampi lungrualnak ding zong ah an tuah kho lo, Ram pumpi Uknak phunghram tha zong an tuah kho lo, mipi nih rampi hruaitu ding ah vote he an thim zong ah vote an fir cu ti, kha ti an ti fawn, mah bantuk in thil tuah mi vialte hna cu adik lo tiin nawlngeihnak an lak mi kha asi ko, asul lam cu an mah lei nih zei hmanh covo an ngei lo tik ah atu bantuk in nawlngeihnak an lak mi asi, mah minung hna nih zei thil tha hmanh Myanmar ram caah aruah bal lo khi asi, zei tin dah zum ngam asi lai? Mi hrak hrawl long te an si ko tiin fak nawn in aleh ve bak ko.
Nihin Myanmar ram pumpi ah ralhrang athi zat,
Nawl ngeihnak an lakh nu ah 2008 constitution cu nunnak pek bak in kilhven asi lai tiah atimi Min Aung Hlaing asi, 2008 constitution hrawhtu cu amah Min Aung Hlaing thiamthiam asi, mah caah cun atu ah cun ram chung mipi vialte nih ralhrang pawl uknak duh lo in tlangcung le party hna, Office staffs hna le mipi hna vialte nih asi khawh chung in kan ram cu Democracy ram tiah adir than khawhnak hnga thisen chuah tiang kan tangti hna cang, mahruang ah cun rampi remdaihnak ding ah PDF/CDF tel lo in zei tik hmanh ah khawkhan lairel khawh asi ti lai lo timi hi mipi nih theih cikcek hna se tiah atu bantuk in social media ah arak chim bak mi le Min Aung Hlaing alehnak asi.
Ref: Khit Thit