PDF hna nih military council ralhrang pawl ta Dagon Beer le Adman gold beer motor trip 3 an tlaih piak, US le Russia long nih hriamnam tha cawk ding angei, F-16 tal cawkter ding ah ati,

Sagaing region, Kawlin township, Shwebo-Myitkyina lampi ah military council ta Myanmar Beer, Dagon beer le Adman Gold Ber phur truck ke 12 ngei, trip thum cu, Kawlin PDF hna nih tlaih piak in, beer phur mi vialte hna cu tichiat piak dih tiah PDF lei nih cathanhnak ah an langhter khi asi, Shwebo-Myitkyina lampi ah KLPDF nih truck ke 12 ngei, motor pathum cu an check piak hna, mah beer an phur mi hi,  military council sumdawnnakarak si, Myanmar beer le Dagon beer, Adman Gold Beer hna cu tlaih piak asi, KLPDF le Local PDF hna nih military council tuah mi beer cu tichiat piak dih in, motor driver hna le an motor hna belte cu tong piak lo in tha tein an tlungter than tiah thei asi.

Kawlin PDF nih mah bantuk military council sumdawnnak thil hi hrawh piak tawn asi lai tiah, official-in phuang cawlh asi fawn.

US nih F-16 cawk asian lo ah cun Russia Jets kan cawk ko lai tiah Turkey President Erdagon nih achim, US le Russia long nih hriamnam tha cawk ding angei,

Turkey nih Russia S-400 an cawk ruang ah US F-35 100 an order cu an cancel piak khi asi, Erdagon nih F-35 caah tangka investment tampi an pek cang caah, tangka in kirter lo in F-16 tal hi cawkter ding ah hmangse timi cu aduh ning asi, nain US Congress nih Biden administration hi an sian piak lai maw? Turkey zong hi an dik ve lo khi asi khat lei ah awr sen, khat lei ah awr dum/nak tibantuk phun khin a um ve rua, Russia’s TASS news agency nih head of Turkey’s defence industry Ismail Demir report ning in, US nih F-16 Turkey an cawkter lo asi ah cun Russia Jets tal cu an cawk piak lai tiin an tial, Erdagon nih hin S-400 system batch 2 nak cawk than tim asi tiin a chim, head of Turkey’s defence industry Ismail Demir nih US F-16 an ngei khawh lo ah cun Russia Su-35 & Su-57 planes chung ah pakhat tal cu cawk ding in biachahnak angei lai ati.