Pu Chum Ling Te Pa fa Tihnak kong ah an Konglam ti hi hin Langhter a Si Cang (Zaangfak tuk pei an rak si hi)

Salai CK Parual nih cun hi ti hin Pu Chum Ling le a fanu tihnak kong ah fiang tein an konglam a langhter. Zaangfak tuk an si. Bawipa nih hnem hram hna seh! Vanchiat tak tak khi a si. 

Ka Uchum, zei ton dah kan ton than ee !! Nai te ah nafar (kanu) nih mual a kan liamtaak. Atu ah nang le Ente tiin nannih pafa nan si. Na cingla rualchan nih kan in hngatchan mi kan suttungpi na pur ruangmang ai maw cu kathin. “Liam ai kun ulaw sianlo ka Uchum le Ente…

Ka Uchum kan chungkhar caah a thlum-al i nun a siangtukmi….kanu kan sin i ai tthen caan in kan ruun-inn na rak phan i, Hakha lei na kir lai suimilaam caan tiang kan inn ah a rak ra in a rak kan chawnbia tami..

Tluang tein pei Hakha na ruun-inn nan pafa in nan phan lai mu ti kan ruahlio ah lungthli ruahlo hi ton nan ton thawng kan theih cu ee..kan thin mei bang a liin i lungchung tilet bang a tho ee. Kanu he nan pafa tein vai tong ulaw ee..kan sining na hmuhdih mi vialte kha lungsiaherh lo ding tein vai chimruah ne u mu..ka Uchum, mi ttha le dawt thiamte ee”

Biafianh: Ka Uchum te pafa hi Tlangpi ah caan sau nawn an caam hnu ah tuzing kha Halkha lei ah tlun an i thawh. Timit in Hakha lei von kainak zawn helham ahkhan poipang an tonnak hmun hi a si.

2021 January 30,Tuni ah lairam ah vanchiatnak fak tak tak kan tong.  Video link zong a tanglei bik ah a um lai. Hi ti hi The Hakha Times nih cun  langhter:  Thantlang lei (Tlangpi in a rak i thawh mi) Parado motor in a rak i thawh mi Pu Chum Ling (Tlangpi) motor aa let.

“A fanu le Pu Chum Ling cu January 30 zaanlei suimilaam 2:30 tluk, Hakha in meng 4 hrawng hlatnak, Timit cho ah aa let i an thi,” tiah Health Volunteers Group in tuanvo ngeitu Pu Chan Hrem nih The Hakha Times ah a chim.

Pu Chum Ling motor hi kan hnuleite zong ah Thantlang Pu Thang Hrim Sia zuatnak pawng ah a motor aa let i minung 2 an rak thi bal. Aa hliam mi zong an rak um. Source: The Hakha Times

The Hakha Post nih cun hi ti hin a langhter ve.Breaking News: Thantlang peng, Tlangpi khua Pu Chum Ling le fanu motor khawnsualnak in an nunnak a liam.Thantlang peng tlangpi khua Pu Chum Ling Motor cu Hakha lei a rat lei ah, Hakha khuapi phak lai, Keivang zuan pawng ah a tla i minung pahnih (2) an thi tiah kan theih.

An ruak cu Hakha sii-inn lei ah an kalpi hna. January 29 (nizan) zong ah Matupi le Razua kar ah motor aa let i, minung pakhat a thi tiah theih chap a si. Thawngpang tling in thang than khawh kan rak izuam than lai. Source: The Hakha PostVideo link ka hin van zoh. https://www.facebook.com/hakhatimesdailynews/videos/pcb.197034002166697/3853719678076250/