Pu.Henry Van Thio Nih Chinmi Dih Lak Cung Ah A Lunglawmhnak Bia A Chim.

Pu.Henry Van Thio Nih teinak an hmuhnak kong he pehtlaiin Chinmi dihlak cung ah a lunglawmhnak bia a chim, kan nih zong nih kan lawmhpi tuk ve, “Chin ramkukh chungah keimah telh. In NLD party nih hmunhma 39 ah kan i zuam ii hmunhma 36 ah teinak kan hmuh. Zatuak in cun 100 chungah 92 bak in teinak kan hmuh. PYITHAWSUH hmun 21 chungah hmun 20 ah teinak kan co. PYINE in hmun 18 kan i cuh ii hmun 16 ah kan tei thiamthiam. A dihlak hmun 36 ah teinak cu kan hmuh. Kum 2015 lio nak hmanh in hmun 5 tam deuh thutdanh kan tingco. Kan party asimi NLD nan zumhnak le nan tleihchan nak a ngan tuk caah Chin miphun nan dihlak cungah a hlei in lunglawmhnak ka ngei.” tiah a lunglawmhnak bia a chim.

(Mah capar hi van rel chap) 2020 kum Myanmar ram Party tling Democracy thimnak ah USDP party in Thantlang Peng, Ramkulh Hluttaw No.2 ah aa zuam mi Dr. Hmuh Thang nih, teinak pakhat hmanh kan co lonak a ruang bik cu a kan zuamcawhtu party hna nih mizapi sin ah ralkap party an si an kan ti ca ah a si tiah a chim.

USDP Contesting 36 Constituencies In Chin State

“Mara Area, Lautu Area ah mee ka hmu lo ti awktlak a si. Lautu Area ahhin Tisen (A) lawng ah mee ka hmuh. Cun, Mara Area ahhin Lungcawite lawng ah mee ka hmuh. Zephai A he B he mee tlawmpal te taktak ka hmuh. Cun, Hlamphei ahhin mee khat hmanh ka hmu lo. Hi bantuk dirhmun ka phak ca ah sungh lo awk hrim ka tha lo,” tiah The Hakha Post ah a chim.

Chin Party Nih Chinram Cozah Serpi Dingah NLD maw Tha Deuh Lai USDP -

Chin Ramkulh chung ah mee hmun 39 a um i  USDP party lei in Matupi Peng Ramkulh Hluttaw, Falam Peng Ramkulh Hluttaw le Hakha Peng Amyotha Hluttaw-3 ah an i zuam lo. Cun, Dr. Hmuh Thang nih, “Mara Area lei ahhin cun, a dang Hluttaw candidate pawl nih lam le hlei kong ah ningcang loin an rak ka ti mi a um rua. Cu lawng si loin Candidate cheukhat nih khuate i meepek sawmnak an kal ahhin ralkap party an si tiah an aupi.

Online Mee thlak sawmhnak Dr. Hmuh Thang (USDP) – Hakha Cherry

Lai lei ummi nih le zeibantuk bia chim ko zong ah an kan zum ti lo nain, ralkap ti an theih in cun an zumh dih hna. President Thein Sein chan lio in ralkap nih tukhremnak le thilphurhter a um lo ti zong hi an theih ko nain, hi ti tiang mee hmuh duh ah ningcang lo an chim hi cu ka lung a nuam lo ngai,” tiah The Hakha Post ah a chimchap.

Chinmi Nih USDP Kan Duhlo Ning Hi Dr. Hmuh Thang Nih Fiangte In A Theih Ko Bu In Peh Than Atim — Chin Miphun Tlangau

November 8 ah tuah mi Myanmar ram thimnak, Chin Ramkulh chung ah NLD party nih 36, ZCD nih 2 le CNLD nih 1 tiin teinak an co hna. USDP party hi a liamcia kum 2010 thimnak lio ahkhan Chin Ramkulh chung ah teinak an rak co i, Cozah a rak tlai mi an si ko nain 2015 kum ahcun hmun 5 chung lawng ah teinak an rak co tiah theih a si. Ref: THPost