Ral doh ding ah ral hmai ah kalter mi ralkap hna nih cun, an hruaitu Min Aung Hlaing cu anrak huat ngainak bak ko cang MNDAA sin ah an chim,

Min Aung Hlaing nih nawlngeihnak an lak hnu ah, ralkap hna cu ral doh ding ah ral hmai ah kalter asi, mah ralkap hna cu ram caah athi ah siseh adam ah siseh, cawi sang le thangthat an si lai kong Min Aung Hlaing nih anrak chim piak khi asi, atu ah cun ralkap hna nih Min Aung Hlaing an huat ngainak kong cu, MNDAA nih October 22th nihin ah khan hiti hin arak langhter, A hmasa bik ah military council nih an ralkap hna cu, idohnak ah athi mi ruak le hriamnam hna cu lak in Upat tlak te in thlahnak program hna tuah piak asi lai tiin, Bia akam mi asi, atu ah cun a Bia chim ning in a um lo khi asi.

Idoh nak hmun ah a thi mi hna le an hawi ruak le hriamnam hna cu, zei hmanh tuah mi an ngei lo, mah bantuk thil cang mi hi a rapthlak bak khi asi, ram pakhat chung ah ralkap nih thil ton mi hi khawika ram hmanh ah a um lai lo,  saram bantuk in athi asi ko tiin ralkap council dohtu MNDAA nih cun atu bantuk in news site ah arak chuahter mi asi, Kan hnu deuh ah khan Kaya ram chung hmun pakhat ikahnak ah thil cang mi cu, mah idoh nak ah cun ralhrang tampi an thi hna, mah athi mi ruak hna cu, ek in khur ah zei maw zat hlonh an si, Military hna nih zei hmanh an tuah piak lo caah, khua chung hna nih ruak cu lak dih in mei an khangh piak hna khi asi tiah thei asi.

Mah long si lo in, October 20 ah khan KNU ram chung ah a lut Military ralkap hna he idoh nak ah, ralhrang captain Win Tun le mi dang 7 hna ruak cu, ni sau ngai zei hmanh tuaktan piak asi fawn lo khi asi, KNU hna nih ralhrang hna cu ralkap athi mi ruak lak ding in an chim piak hnu ah an lak nain achia dih cang khi asi, mah ruak an lak mi hna cu tha tein phum/vui nak a um lo palastic in an fun hnu ah, Tanphyuzayat khua pawng ah chiah in an kal tak ko tiah KNU lei hruaitu pakhat nih atu bantuk in news report ah arak langhter khi asi.

Min Aung Hlaing hi arak sual bak ko, an ralkap athi mi hna chungkhar le nupi hna zong tha tein biakchawnh nak ngei lo, zei hmanh tangka bawmnak ti bantuk hna zong pek asi fawn lo tik ah ralhrang Nupi fan au hna zong zangfak tuk khi an si ko, mah caah cun atu ah hin Ralhrang Hruaitu hna chung ah hin athlithup in iremh lonak le ihmuh thiam lonak a um lio fawn khi asi, pakhat le pakhat karlak ah izumh lonak zong a um lio fawn, Min Aung Hlaing hruainak tang ah ralkap chungkhar hna ah ithennak a um ko lai tiin MNDAA nih fiangte in tar lan asi.