Ralhrang le AA hna an idoh nak afak chinchin than ko cang atu ah hin hmun pali ah idoh cuah mah lio tiah cathanh atuah,

Ralhrang le AA hna an idoh nak afak chinchin than ko cang atu ah hin hmun pali ah idoh cuah mah lio tiah cathanh atuah,

Myanmar Military Council le Arakan Army AA cu hmun pali ah fakpi in an idoh ve cang AA nih hriamnam an tlaih piak atam bak tiah cathanh tuahnak ah an langhter, Rakhaine state le Chin state Paletwa khuapi hmun 4 ah fak ngai ngai in an idoh hna khi asi, aliam can ni 13 in idoh kahnak hi achuak cang ni 15 ah AA thawngthanh nak nih alanghter ning ah cun, Rakhine Zateit Taung, Mawngtaw, Bangladesh ramri le Chin state Paletwa chung ah, ni 13 in idoh hramthawh asi cang khi asi.

Mahi doh kahnak chung ah hin Military lei ralkap 37 an thi pin ah hriamnam meithal le bomb, zenthawng/kuan tampi an tlaih piak chih tiah AA thawngthanh nih alanghter mi asi, AA lei ah 2 thi in hliamhma ngei tlawm pal an um tiah, azat belte cu an tial lo, Rakhaine state chung idoh kah nak ah hin Military council lei nih cun hmun kip ah Vanlawng he hriamnam le ralkap hna, ral dohnak lawng le Tanks hna zong, an kalter cuah mah lio hmuh asi, mahi doh kah nak hi afak chinchin ko lai tiin AA lei thangthanh nak nih atu bantuk in achim.

Rakhaine Army AA lei nih an chim ning ah cun Ralhrang pawl nih, hmunhma base an umnak hna hi, mpi hna he lungrual tein karthlang in kan thuat hna ruang ah, tlamtlingnak tamp ikan ngei, atu zong ah tha thlah bak lo in mipi hna he tangti in hmailei kan panh cuah mah ko lai tiin achim fawn, Atu AA le Military council ralhrang pawl he fakpi in an idohnak kong ah, Military lei nih atu tiang zeihmanh bia phuan le thawngthanh nak an ngei rih lo khi asi.

RFA