Ralhrang pawl le KNU faktuk in an idohnak ah  khat lei Ralhrang pawl an thi tam deuh tiah KNLA nawlngeitu chim ning ah swamthum an thi?

Ralhrang pawl le KNU faktuk in an idohnak ah  khat lei Ralhrang pawl an thi tam deuh tiah KNLA nawlngeitu chim ning ah swamthum an thi?


Kayin State KNU N0-6 nih an control nakchung, Cia-In seit khuapi chung base in a um mi, ralhrang Khah.Mah.Yah, N0- 283 le 284, N0-32 hna cu, Jan 4 zingka ah, Kayin hriam tlai coalition pawl nih luh hnawh hna in an doh hna tiah, KNLA nawlngeitu Leader pakhat nih atu bantuk in thawng arak thanh mi asi.


Mah idohnak ah hin a chung tiang in kan lak khawh ko, an mah lei hna hi tampi an thi cang, Helicopter in rak bawm ding ah tampi anra than hna khi asi, can tlawm pal ah hnulei kan kir tak hna, kan mah lei zong hliam hma ngei le tlawm pal pahnih khat cu kan thi ve ko, ralhrang lei ah cun an Officer zei maw zat an thi fawn tiah KNLA thawngthanhtu nih atu bantuk arak thanh mi asi.


Ralhrang lei ah hin Captain le Officer hna he minung 30 leng an thi tiah theih asi, kha idohnak ah khan civil minung zong vanchiatnak in minung 3 thi in minung 8 nih hliamhma an ngei tiah theih asi ve fawn, Jan 5 zong ah idohnak peh than asi, ralhrang hna nih Vanlawng he akan thuat ngai ngai ko caah, kan mah lei zong ah minung 6 thi in 3 nih hliamhma an ngei ve tiah report asi.


Mah lio ah hin Mon State chung Bilin khuapi tlanglei khuapi hna ah, Ralhrang pawl kut tang ah um mi, BGF camp 3 hna cu, Kayin hriam tlai hna nih anrak thuat ve fawn tiah thawng pang theih asi, Camp 2 hna cu lak piak khawh asi, thawngpang tlamtling in theih khawh asirih lo caah, KNLA nawl ngeitu hna nih arak thanh than te lai tiah khuachung um pakhat nih atu bantuk arak chim mi asi.