Ralhrang pawl sual ning hi cu aw Mah Hnin way cu vok rawl pek ah lio ah tlaih in duh tawk in an thaihhrem hnu ah an thah cawlh,
Ralhrang pawl sual ning hi cu aw Mah Hnin way cu vok rawl pek ah lio ah tlaih in duh tawk in an thaihhrem hnu ah an thah cawlh,
Magwe region chung ah um mi kum 37 asirih mi Mah Hnih way le apasal cu, an umnak buk pakhat ah pawcawmnak ding ah saram hna zohkhen in an unpa te in um mi asi, 9 July ah cun vok rawl pek ding in akal lio ah Mah Hhin Way cu ralhrang nih anrak tlaih khi asi, khua chak lei hmun pakhat in ralhrang hna nih meithal he Mah Hnin Way pasal umnak cu an kah khi asi, Mah Hnin Way pasal cu khua chung lei pan in an tli/zam daih khi asi, a nupi Mah hnin Way cu an tlaih piak diam kha asi tiah a psal nih cun achim.
10 July ah cun Mah Hnin Way cu minung zei maw zat nih duh twak in tlaihhrem asi hnu ah thah cawlh khi asi, ruak cu khua pawng te ah hmuh asi, tiin Mah Hnin Way pasal nih atu bantuk in RFA sin ah thawng pang arak chim piak mi khi asi, anupi cu angki kut sau aih mi asi, a ruak kan hmuh ah cun mah angki kha asi ti lo, lungkyi awrhter phun in kan hmuh khi asi, asul lam cu, lungkyi he rak phur in cu ka hmun ah an chiah tinak asi tiah Mah Hnin Way pasal nih achim.
A umtu ning kan zoh ah hin fakpi in tlaihhrem asi pin ah a hngawng ah kedan he an lamh piak nak hliamhma a um, minung tampi nih dah tawk in an tlaihhrem hnu ah an thah mi asi timi hi fiangtuk in alang ko ati, ka nupi thih kong hi uico/ar thih bantuk asi, minung thih ning zong asi lo mi hi ka lung afaktuk hringhran ko, Mah Hnin Way thih ning ah an thilri hna zong hliamhma ngei asi, zeitluk in dah an tuar lai tiin mitthli tla bu in RFA sin ah achim chih nak asi.
Mah Hnin Way nih a ken mi zal chung ah family card le ID card hna le document dang dang hna zong ralhrang pawl nih mei an khangh piak dih ati, 10 July zing 10:00AM hrawng ah PDF hna nih khua cung lei in hmanbilu he an zoh lio ah Mah Hnin Way ruak pawng ah ralhrang 3 tluk an hmuh tiah PDF-N0-712 report ah confirm asi, mah thawng pang nih hin khua chung mipi hna le ralhrang pawl an sual ning hi a rapthlak chinchin ko, Nu hna caah ram chung hi ahimtuk ti lo khi asi, tlaihhrem hmanh ah apoituk ko kan lio ah, thah asi peng fawn hi lung fakpi lo awk tha lo khi asi.
Mah hnin Way an thahnak hmun hma hna ah cun PDF hna nih an va kal hnawh hna tik ah ralhrang pawl hmuh ding an um ti lo, apawng ah Luchin pakhat char asi, mah luchin cu, Pakokku battalion (101) seal asi mi Luchin asi tiah theih asi, mah ni ah arak lut mi ralhrang pawl cu Pakokku battalion N0-101, chung ah K.P.C 21 hna an si tiah PDF hna nih atu bantuk in confirm an tuah mi asi, mah ralhrang hna cu minung 300 hrawng si in 20 July ah khan PDF hna he fakpi in idoh kahnak ngeih asi, ralhrang 16 thi in hliamhma ngei zei maw zat an um pin ah hriamnam le bomb, meithal zong tlaih piak an si tiah PDF thawngthanh nak nih 22 August ah news fiang RFA ah atu bantuk in arak langhter mi asi.