Ralkap pakhat ral dohnak hmun ah akal hnu ah nikhat cu “Anupi cakuat ding ah” atial mi kuat manh lo in ralram ah athih tak mi cakuat cu,
To,
Kadawt bik!!
Kadawt tuk mi karak kir ti lo asi ah cun kei mahr uang ah na mit thli tlakter hlah mu! Karak thi sual ah cun tiin mah cakuat ding hi ka tial mi asi, Karak thi sual asi ah cun, PDF(Mipi ralkap) hna hi rak soisel in rak hua hrimhrim hlah mu, ral doh ding ah hin kan nih pawl hi cu thither tim in akan kalter mi asi, mahruang ah hi sual ralhrang pawl zeihmanh ruahnak ngei lo belte hi soisel deuh ding asi ko mu! Ka um ti lo asi ah cun nanun ding lam zawh kha felte in ituak tan ko mu, Ka caah hin na mit thli far khat te hmanh tlauter hrimhrim hlah mu, Cun kan fapa kha zei ti phun hmanh in mah sual ralhrang pawl cawnternak tang ah hin na chiah ball ai lo, ka chim mi bia icingken peng law ka duh ngai!
Kadawt hmailei can caah a pi umnak Ma Dong ah kalpi law ka nu sin ah khan, tangka tlawm palte Ks-500,000 hrawng kachiah mi cu, rak hal law kei zong arem can kahmuh ah cun ralram in karak tli/zam chuak lai-I iton than nak can kan ngei te lai lung dam tein rak um ko law kadawt, U Hthun Viber in mah cakuat hi thla kalak lai-I karak kuat te lai mu, Ka thi lo asi le aran khawhnak chung in ka umnak in nan sin ah rat khawh ka zuam te lai, nan fa he tha dam tein rak um ko u itonnak can a nai chinchin ko cang.
Mah military ralkap pa hi a dirhmun der thawng ngai in a um cang mi asi rua? Achim than mi cu atu ah kan ithuat/dohnak hi zei hmanh umzia angei bak lo mi thil asi, Kan Pu lei thil tuah dik lo mi cu atu ah hin nunnak pek in kan chamh hna hi asi ko, Aw!! Nabia chim mi kha ngai ding ka si ko na tein, atu ah cun saram atlau hnu ah Innka khar bantuk asi cang, tuante in karak chuak cawlh lo kha ka ngaisih tuk hringhran ko e.
Dam tein ka um lai le kan iton than te lai nan nufa he lung nuam tein le tha dam te in rak um ne ko ulaw arauh hlan ah karak tlung te lai mu kadawt, kan ngai tuk cang hna tha tein kan fap ate kha rak zoh khen law mang tha rih u aw.
Note: Mah cakuat hi an idohnak ah khan, nunnak aliam mi ralkap pakhat ruak zong lak lo in ralhrang hna nih an kal tak cang mi Angki zal ah mah cakuat hi hmuh mi asi, asul lam cu anupi sin ah akuat hlan ah athi diam khi arak si.