Ram pum ah minung 312,299 min pek/register Chin state chung in tukum 2022 Matric Examination ding ah minung 3000 hrawng long an um,
Ram pum ah minung 312,299 min pek/register Chin state chung in tukum 2022 Matric Examination ding ah minung 3000 hrawng long an um,
Myanmar ram nih cun March 31 to May 9 tiang tanghra ten classes Examination tuah ding ah tuaktan pia kasi than lai, Tu kum ah hin Chin state chung in school ngakchia minung 3000 hrawng nih tanghra Exam ding in, min register an tuah cang tiah State Education Department thawngthanh nak nih atu bantuk in tar la nasi, Chin state ah hin township 9 chung in tanghra exam centre zong 9 a um laik hi asi, mah exam centre 9 chung ah tanghra exam ding ah min pek/register vialte hi, minung 2950 longte an um khawh khi asi, Kum dang ah cun Chin state chung in tanghra exam ding ah min pek/ register tuah hi, minung thawnghra leng hi asi peng tawn ko nain, atu ah cun minung thawngthum tlinglo long te nih tanghra Exam ding ah min an pek khi asi.
A chan cu kanrak theih ceu bantuk in Myanmar Military council nawl ngeih nak tang ah hin zei hmanh hi pung hman in thil akal khawh lo pin ah, hmun kip ah idoh kahnak achuak peng rih fawn tik ah mi tampi hna nih nun himnak kawl in ralzam dirhmun ah an dir fawn tik ah, cawnnak lei Education ah harsatnak Lian bik kan ton lio cuahmah khi asi fawn caah, tukum tanghra Examination ding ah minung an tlawm tuk khi asi ko timi hi biapi bik ah alang ko, ram buai he ngakchia hna siangin kal kho lo in tampi an um fawn, School building tampi hna cu ralhrang hna nih umnak ah an hman mi atam fawn tik ah, atu bantuk harsatnak kar lak ah minung thawngthum tling lo nih tanghra Exam ve ding ah min an pek/register khi asi.
2022 kum Chin state township dang dang hna chung in tanghra Exam ding ah register/min pek mi hna cu:- Falam township chung in minung 309, Ton zang township chung in minung 229, Chikha sub. township chung in minung 208, Teddim township chung in minung 286, Matupi township chung in minung 107, Paletwa township chung in minung 1811 hna an si, Haka, Thantlang, Mindat, Kampalet township chung in tanghra exam ding ah min pek/ register tuah mi an um lo khi asi, Chin state Education Department-ah officer pakhat nih achim ning ah cun, “Kan ram dirhmun cu kan theih ceu bantuk in boruak tha lo le thih le dam kar lak ah um lio kan si tik ah, School can hman te in kan kai khawh ti lo, cun khuapi tampi ah cun school zong an ong bal lo khi asi, siangngakchia hna zong school an kal khawh ti lo ah cun cheu khat CDF ah, Cheu khat nun himnak ah tiah ralzam an si tiah an chim mi asi.
Chin state khuapi kip ah Education office cheukhat hna cu khar bak khi asi, tanghra Exam ding hmanh ah hin minung an um ti lo, mah hmanh ah cun township Education Office cheukhat staff hna cu office an kal ti lo fawn, harsatnak a phun phun le buainak dang dang hna ruang ah, atu bantuk dirhmun harsatnak ah kan phan mi asi, Tukum ah hin Myanmar ram pumpi ah minung 312,299 hrawng long nih tanghra Examination an tuah lai tiah report ah langhter asi.