RIP : Kan Pasaltha Pakhat Nih Ram Le Miphun Caah A Nunnak A Pek.

Chin Mino Pakhat Cu SAC Ralhrang Hna Nih An Thah

Nohawng[February] 5, 2023  CCN Channel : Chin ramkulh, Matupi peng Tingsii khuami Salai Ha Kar Lian cu Nohawng 5 ah SAC ralhrang hna nih an tlaih i an thah tiah theih a si.

Salai Ha Kar Lian cu kum 24 lawng a si rihmi mino te a si. Chai in vapel ah ramlak a kalnak ah SAC ralhrang hna nih an tlaih i an thah hi a si tiah theih a si. Source- Vazu news.

SAC Ralhrang Hna Nih Tualchungmi Pakhat An Thah I Inn Zong An Khangh

Nohawng[February] 4, 2023 : CCN Channel, SAC ralhrang hna cu Tanintharyi, Launglon peng Minyat khua ah lut in khuami pakhat an thah i inn zong mei in an khangh tiah theih a si.

SAC ralhrang hna cu mawṭaw pahnih khat in Launglon peng Minyat khua ah an lut i tualchungmi pa pakhat an thah, cun inn zong mei in an khangh tiah LLPDF nih an chim.

Cun SAC ralhrang hna nih Minyat tlang cung in hriamngan, hriamhme in ramtang lei zong an kah len. Khuami inn zong ah an lut i thil an fir hna. Cycle zong 5 an fir tiah LLPDF nih an thanh.

Credit : CNN