Salai Williams Nih Hakha Ummi Caah Ralrinnak Thawng A Van Thanh Cang.

May 22, Hakha, Khai Kam Hall kiangkap ah chawhvah ralrin ding, khika um ralhrang/pyosawhti hna kha namte he an vaak. A ngamh nupa nihcun a thli in sio ding a siko.Meithal an i ken lo.!! Namte kha an i kenmi siko.

Credit : Salai Williams Hlawnceu

Malaysia Lei A Kalmi Lehnak Ah Nunnak A Liammi Chin Mi Pathum Ruak Vui An Si.

The Chin Post 20 May 2023 May thla zarhkhatnak ah Thailand ram in Malaysia lei a kalmi motor pakhat aa letmi ah nunnak a liammi Chinmi pathum ruak kan vui cang hna, tiah Chin Community Bangkok nih theihternak an tuah.

Thailand ram Songkla ramkulh, Hatyai khua pawng ah May thla zarhkhatnak ah khan Myanmar mi 25 phortu motor pakhat cu a rak i let i, motor cuangmi chung in Chin mi Salai Setha solo, Mai Singo Fachhai, Salai Thurein Htun hna cu an nunnak a rak liam. An ruak cu an chungkhat hna le Chin Community Bangkok hna i bawm in May 16 ah an vui cang hna, tiah theih a si.

Myanmar ram chung ah SAC ralkap nih nawlngeihnak an lak hnu in Thailand ram in Malaysia ah a kalmi Myanmar mi hna cu lam tanṭim ah nunnak a liammi an um bantukin Thailand cozah nih an tlaihmi zong tam ngai an um, tiah theih a si. Hmanthlak : Chin Community Bangkok

NCA Minsen a Thu Veve mi RCSS le PNLA Karlak ah Kahdohnak a Chuak!

The Chin Post 20 May 2023 Shan ram thlanglei, mahte khuakhan lairel, ukhruainak Pa-o ram, Sisai Peng, Htiphetnan khua pawngkam um Pa-o National Liberation Army(PNLA) hna sakhan umnak hmun pakhat cu Restoration Council of Shan State (RCSS) ralkap nih an va luhhnawh hna i suimilam pahnih tluk kahdohnak a chuak, tiah PNLA lei nih an thanh.

“Kahdohnak hi suimilam pahnih tluk a rau i cu hnu ah RCSS/SSA lei cu hnu ah an kir i minung thazaang an i chap. Cun, khuami hna zong leng ah chuahvah lo dingin nawl an chuah,” tiah PNLA lei nih an chim.

Hi kahdohnak ah hin kaphnih thi le hliamtuar an um le um theih khawh a si rih lo. Atu aa kap mi PNLA le RCSS hna hi an phu hnih in NCA minsen a thu mi veve an si.

Credit : The Chin Post