Salai Williams Nih Kan Unau Pa2 Lian Cin Hau Vung Le Lian Za Thawn Thawngpang A Kan Thanh Mi Cu A Poi Tak Tak.

May 2 ah Hakha ah passport tuah dingah a rak kalmi Lian Cin Hau Vung le Lian Za Thawn cu, Hniarlawn thar pawngah ralhrang nih an rak thah hna i an ruak an rak khangh mi hna cu May 20 ah an va hmuh hna.

Hakha lamton ( laansung)ah ralhrang nih saikel check an i timh hoi caah umkal rak i ralring cio ulaw.

Credit : Salai Williams Hlawnceu

Wawbate Khua Pawng Ni Hnih Chung Kahdohnak Ah SAC Ralkap 30 An Thi

The Chin Post 24 May 2023 : Mon ramkulh, Ye peng Wawbate khua pawng ah rallam a sialmi SAC ralkap pawl cu ni hnih chung kan kah hna i SAC ralkap 30 an thi, tiah Albino Tiger Company – 1 nih an langhter.

May 19 zanlei suimilam 3:30 hrawng in Ye peng Wawbate khua pawng ah rallam a sialmi SAC ralkap 250 leng cu Kyiaphyu Column 2 le PDF ṭangṭi phu hna nih hmaitonh in suimilam 1 chung an kah hna i SAC ralkap 19 an thi.

May 20 zing suimilam 8:00 tluk ah SAC ralkap pawl cu hnu an kir i, Kyiaphyu Column 2 le PDF ṭangṭi phu hna nih an dawi hna i an kah ṭhan hna lio ah bawmtu SAC ralkap an phan. Kaphnih kar kahdohnak a zual ngai i SAC ralkap 11 an thi chap.

Ni hnih chung kahdohnak ah SAC ralkap 30 leng an thi i, hliamhma pumi zong an tam. PDF ṭangṭi phu lei in ralkap pakhat hliamhma hme a tuar ve, tiah Khit Thi Media nih a ṭial.

Credit : The Chin Post