Thailand lei ah ningcang lo in kawlram minung alut mi 83 hna cu Tawngphon Dist ah tlaih a si, atu tiang minung 68,000 hrawng asi cang tiah,

Mah an tlaih mi hna chung ah hin mipa 60 le Nu 23 hna cu, Washi longkunse pawng ah “Puk” pakhat chung ah an um lio ah Police patrolling hna nih checking an tuah lio ah an hmuh, Mah an hmuh lio ah bia hal in kawlram mi hna an si tiah Tawngphon dist Police OC Santhy Peterskul nih atu bantuk in achim, mah an tlaih mi hna cu motor 10 in Tawngphon Police Office ah kalpi iin bia halnak hna ngeih in checking hna an tuah tiah Police report ah langhter asi.

Mah hlan ah hin Police nih Thailand Motor mawng driver pakhat an tlaih mi cu, police hna nih khawika dah na kal tiah bia an hal tik ah, mah driver nih cun, “Puk” chung ah um mi hna caah, water/ti thianghlim din ding ah an va pek kong achim hnu ah, mah driver cu lam hruaiter in an kal hnawh hna hnu ah atu bantuk in an tlaih mi asi, tiah report nih alanghter mi asi, ramri lonh in akal mi hna hi, Mawlamaing, Yangon, Peku, Tha way khuapi hna an si tiah thei asi.

Mah hna hi Smartyakhun, Resbury, Cansbury Bang Kok ah riantuan ding ah tiah, minung pakhat ah Thailand Bath 10,000-20,000 leng tiang lak piak an si tiah thei asi fawn, atu ah hin mah an tlaih mi hna cu Police Office ah Upadi ning in checking tuah dih hnu ah an umnak ram ah kuat than ding asi lai tiah Thailang Police report nih atu bantuk in alanghter khi asi, Thai-Indo Myanmar ah hin security umtu ning ah cun thla cheu hrawng liamcang can ah khan, Covid-19 zawtnak venkhawhnak ding ah tiah khar asi ko nain, Myanmar ram atu bantuk in thih le dam karlak ah um can asi fawn tik ah atu bantuk in ningcang lo in alut peng mi asi tiah theih asi, 2021 January in November thla tiang Thailand ram ah ningcang lo in alut mi hi atlawm bik ah minung 68,000 hrawng asi cang, mah chung in atam bik cu Myanmar ram chung minung an si tiah report nih alanghter mi asi.