Thantlang i Thil Cangmi cu a Poi Tak Tak

Thantlang i Thil Cangmi cu a Poi Tak Tak. Thantlang ah COVID-19 mizaw minung pahnih hmuh. Chin Ramkulh, Hakha Pengkomh, Thantlang khuapi ah Facility Quarantine in chiah mi minung pahnih hna sin in COVID-19 zawtnak 2021 January 2 zinglei sang ah hmuh an si tiah Thantlang sii-inn-uk sin in thawng kan theih. “Atu zawtnak hmuh mi hna hi Mandalay ah ngandamnak lei zohfel ah a kal mi an si.

An rak kir le cangka in Thantlang ah Facility Quarantine in kan chiah mi hna an si,” tiah Thantlang sii-inn-uk nih The Hakha Post ah a chim. Atu zawtnak hmuh mi hna hi an pahnih in kum upa veve an si cang tiah theih a si. Thantlang khuapi chung ah Home Quarantine in a ummi minung 18 le Facility Quarantine in a um mi minung 15 an si.

COVID-19 zawtnak a chuah ka in Thantlang ah zawtnak hmuh mi hi atu in minung pali an si, tiah The Hakha Post nih a langhter. A cunglei bia khi The Hakha Post tialning tein kan rak chiah. Thantlang khua hi COVID-19 he pehtlai in kan farnu Malaysia in a ruak a tlun tan zong ah buainak a rak um. Covid-19 an ttih ruang ah Malaysia tiangtiang in miruak a rak tlungmi cu Thantlang khua ah luhter an rak siang lo. Sinain, kha nih khan a khamh taktak thai hna lo, ti a fiang ko. A tuah case thar an hung ngei than.Credit: Hakhapost