Thawng Bawi music house ah Rian tuan ding a lawng.

Thawng Bawi music house ah rian tuan ding a lawng. Rian lawngmi cu -1. Manager nu/pa Buaih, Diploma a hmu cangmi si lai. 2). Sale Assistant pa pakhat

Kum 20 in 40 kar nih sok khawh a si. Soknak form cu TnC photo dawr ah lak khawh a si.Thawng Bawi Music House  cu Music thilri pawl zuarnak dawr a si lai. Pehtlaihnak: 09449583223, 09400303390

Note : Mah capar hi van rel chap. Thawng Bawi te nupa hi an men lo.

Kan Lai hlasakthiam P.Thawng Bawi thaisungnu Dedeo Cer hi ruah ning bantuk a rak si bak lo. Khuaruahhar ngaingai khi a si bak ko. Thawng Bawi thaisungnu Dedeo Cer cu Kan theih cio cang bantuk in ca thiam ngaingai mi mifim asi. Cu lawng silo in photographer zong nai te ah khan a cawng mi asi. Hmanthlak zong a thiam taktak. Asinain a pumpak min in Library tiang tiang a ngeih lai ti hi cu ka zum bak lo. Thawng Bawi thaisungnu Dedeo Cer nih hin a mah pumpak min bak in “Dedeo,s Library” timi a ngei. A ropui tuk hring hran ko.

Library cu kan theih cio bantuk in cauk rel ding tampi an chiah nak hmun asi. Library ahcun tuanbia tampi aa ttial nak cauk zong a um i, fimnak tampi i lak khawh asi. Thiamsang nih ca rel tam paoh paoh an fim ti asi tawn. Cun Library hi khuate lebang ahcun a um tuk lomi asi. Tangka tampi zong a hau ve i, cu lawng siloin cauk phun dang dang tampi ngeih a hau fawn.

Mah lio ah kan Lainu Dedeo Cer nih hi bantuk a sunglawi taktak mi Library a mah pumpak min in a van ngei kho hi cu lawmpi um ngaingai asi. A sunglawi tuk hring hran. Laimi phun caah a rianttuan ning hi a ropui taktak, a mak taktak. Award pek phu bak a si tiah ka ruah.

Mah ti hin Dedeo Cer nih cauk rel a biapit zia a van langh ter, “Q : *Cauk tampi kan rel ko naan kanphilh tawn lengmang le ca kan relmi hi a thahnem maw???? A:*Ca kan relmi kan philh ko naan kan idea pei aa thleng cu…(Dr Khin Mg Nyo) Carel na duh cun Dadeo’s Library a um muh. Model: Best Bik, Location: Dadeo’s Library.” tiah cauk rel a biapit ning a van langh ter.

Hi Library “Dedeo’s Library” hi Lai tlang lei a ummi nihcun visit khawh cio rak i zuam u, ca rel tam hi fimnak asi. Cauk ttha taktak mi chiah ding a ngeimi zong nih bawm kho ulaw a ttha tuk hnga. Thazang rak pe cio ding in kan i nawl fawn hna.

Credit : Dedeo Cer & P.Thawng Bawi

Leave a Reply

Your email address will not be published. Required fields are marked *