Thawng pang tha asi, Ralhrang 30 hna nih an hriamnam le zen thawng hna he KNU ah an luh pi,
Kayin state Miah wati lei walei base ah um mi ralhrang engineer ralkap N0-904 chung in ralkap 2 cu May 2 ah KNU tang ah um mi KNDO sin ah anrak lut tiah theih asi, ralkap 2 hna hi cap pahnih nak asi, MA-1, 2 le box- 5, kuan 100 leng, Bomb 4, he KNDO Security hna kut ah ap asi, KNDO ralkap Bawi nih kan mah nih cun unau bantuk in tuanti hi kan duh mi asi, ralhrang hna nih nawl ngeihnak phunphun hmang in mipi duh duh in an tuarter mi hi kan duh lo mi asi, mah thil hi nang le kei nih lungrualte in kan doh/thuat ah cun kan ram democracy kan dirter khawh lai tiah ati.
Mah kawl ralkap 2 hna nih hin an chim ning ah, mipi hna cung ah an thil tuah mi hi lung fak awk ngai ngai asi, minung sinak man angei lo, kan tuanpi mi tampi hna zong nih mah bantuk mipi hremnak phunphun tuah hi an duh tuk lo nain, cung lei nawl peknak ruang ah an tuah mi asi, kan nih zong sualnak ngei lo mipi hna cung ah thil tuah hi kan duh lo caah, KNU he fawnh in ralhrang doh hi kan duh deuh caah kanrak zam tak khi asi, cun KNU ah kanrak lutnak zong asi tiin an chim hna, Kan hnu lei ah Kayin KNU ralkap N0-6 base chung ah um mi ralhrang ralkap hna sin ah um duh ti lo in, KNLA fawnh ding in hriamnam le thil dang tampi hna he minung Captain tel in 28 hna cu hramnam he an lut fawn cang tiah KNU thawngthanh nak nih news site ah atu bantuk in alanghter mi asi.
Europe ram hna nih Gas an cawk duh piak bal lo Africa ram lei ah amer ve cang lai,
Africa le Europe hna hi an icawk piak bal lo ti hrimhrim cu asi lo nain, China nih West pawl nak in African continent lei ah kal tam in influence zong anrak ngei tam ngai kha asi, Xi Jinping nih Debt Trap policy hmang in Silk Route ding akalpi peng ko, EU ram hna nih cun Russia nih Ukraine an doh ruang ah Russia Oil & natural gas an inghahnak ah, Sanctions an pek, Roubles payment hman aher tiah Putin nih achim caah hman an duh lo khi asi, Europe ram nih hin oil natural gas an herhnak a tlawm thlei lo nain, Russia an hrem duh fawn ruang ah Africa, Nigeria, Senegal, & Angola hna liquified natural gas (LNG) lak piak ding in chawnh lio asi, Bloomberg nih draft EU document review nak ah an hmuh mi tarlan asi.
Europe nih hin 2030 tiang mah African ram hna hi LNG imports 50bn cubic meters tal an herh lai tiin achim cang, supplier’s Egypt, Israel, Azerbaijan & Australia lei zong nih an chawmh ve fawn.