Thil mak khuaruah har arak phan cang Indonesia-ah tiva ti cu thisen bantuk in acing ko hih!

December 8,2022 ah Indonesian ram khua pakhat, batik factory umnak hmun cu ruah fakpi in a sur hnu ah, tiva ti arak tam ngai, mah tiva ti cu thisen colour bantuk bak in acing ko! Thisen bantuk asen mi ti hi, Java laifang Jenggot khua ah hin tidil bantuk in arak tam khi asi, Pekalongan khuapi chak lei deuh ah um khua hi hlan liopi in, khuaiti tuahnak le batik textile lei hmun tiah theih asi.

Social media hmangtu tampi hna nih an khua ah thisen bantuk in tidil a um mi cu anrak post darh ngai ngai khi asi, khuachung nawl ngeitu hna nih cun, thil mak khuaruah har ah an ruat lem lo khi asi rua, “Thisen bantuk hi batik dye ruang ah asi, a hmun hi ti lian nih arak cim ruang ah, colour bantuk in a um mi a si tiah an ti.

Dimas Arga Yudha nih Reuters news agency sin ah a chim piak fawn, a hnu ah ruahsur ti he acawhpawlh hnu ah a thiangthan te lai tiah an ti fawn, Pekalongan tiva hi tu hlan ah batik design dang dang tuahnak caah, colour an hman ning bantuk in colour a thleng tawn an ti, kan hnu thla zong ah khan, khua pakhat ah a hring/green colour in a um tiah Reuters news ah an chim.

Indonesia hi ti lian nih arak buaiter peng tawn cang khi asi, Tu kum hram thawh zong ah khan an khuapi, Jakarta-ah ruah tampi sur in ti a lian/tam fawn, mah lio ah minung 43 an thi cang tiah chim asi, Cun an ram hi lirnghinh tawnnak ram asi fawn tik ah, an ram minung tampi nih kum chiar in an tuar ngai tawn khi asi.