Thil thar ah hman khawh siselaw (Acrostic) 2023 chung caah hman ceu ding ah!

Laltleipuii kum 15 long asirih mi cu, Bible a rel dih hnu ah, a tial dih fawn, Sunday School-ah Senior department cawn lio asi, Nichiar in school-ah tangkua (9) a cawn lio asi fawn, zohchun awk tlak taktak asi pin ah uar a um fawn.

Thil thar ah hman khawh siselaw (Acrostic) 2023 chung caah hman ceu ding ah!

A tu kum thar hi pakhat le pakhat ingiar kal tak kum si kose.

Lunglawm tein Pathian bia lei ruahnak can si kose.

Nan khuakhan si lo in Pathian khuakhan pawm tim kum si kose.

Can liam hnu theih khawh asi hmanh ah, atu tiang Bawipa nih akan nganh hi lawm lo awk tha lo kum si kose.

Mino thangthar nan si man ah Nunning dawh cawn kum sifawn kose.

Nun thar kum caah nang le kei nih hman khawh zuam ceu usih.

A nuamnak le lunglawmnak long si lo in tuar/in can zong ah tuar/in zia thiam a biapi ve.

Remdaih tein hawikawm tha ngeih kum ah hmang ko sih.

Thih le lo a ton mi tuarnak cu tha tein tuarpi kum caah hman ceu usih.

Over tukin cawlcang phun hi kal tak cangnak kum ah hman izuam usih.

Nichiar in lunglawmh thlacam theih peng kum caah hman ding in aw.

I-uah lo tein mikip he level in nunning hi thil dawh asi bantuk in nunpi kum si kose.

Mi nih akan soisel lio ah soisel in nan leh ve asi ah cun dirhmun a tluk veve caah, daitein um kum si kose.

Ei din lei ah iduhsak nak kum caah kan hman ceu ah cun lunglawmhnak ngeih deuh deuh kum si kose.

Hmailei can theih asi lo hmanh ah, thiltha tuah mi nih lunglawmhnak na ngei peng lai.

Soiseltu holhka theihnak in thangthatnak awka theih hi a nuam deuh ko.

Zoh dih asi zong ah zoh than herh tawn cu, Nunning dawh le lungthin tha ngeih hi theih peng hna usih.