Thlakhat chung in PDF mipi ralkap hna nih Mytel Company Tower 120 bomb chiat piak asi, adih lak in an hrawh piak mi man hi Kyat 20 billion hrawng ralhrang an sung tinak asi,

Myanmar ram chung ah mobile phone communication lian bik 4-nak Mytel company cu, Myanmar ralhrang hna tangka hmuhnak pakhat asi mi cu, PDF hna nih thla khat chung ah Mytel tower 12 leng bomb chiat piak asi tiah thei asi, RFA nih an phuan ning ah cun September ni 4 in October ni 7 tiang Mytel tower an hrawh piak mi cu, 120 a si cang tiah report ah langhter asi, Atu bantuk in mipi ralkap hna nih an hrawh piaknak chan cu, democracy duh mi mipi hna cung ah Myanmar ralhrang hna nih ning cang lo in tlaih le thah asi tawn mi cu, lehrulnak asi tiah, Mandalay-ah ralhrang duh lo mi chung ah um mi pakhat nih atu bantuk in arak chim mi asi.

Mah achimtu pa nih cun”Mytel in tangka an hmuh mi hi an mah hna caah cun atam ngai ve mi asi ati, Hriamnam le kuan hna cawknak ah an hman pin ah, equipment dang dang hna caah an hman mi asi tiah ati, an bomb chiat piak ruang ah harsatnak an ngei ve ko lai tiah an zumh, bomb an puah hnu ah hin ralhrang hna tampi an ratawn, Mytel tower pawng ah bomb-hna an chiah-I akan bawh tawn fawn ati, September ni 4 October ni 7 tiang ah khan Magwei, Saigaing, Mandalay, Ayawaddy, Pago, Yangon region le Kachin, Mon, Chin le Shan state lei ah Mobile tower 127 hrawng bomb chiat piak asi cang tiin achim, mah chung ah cun Mytel tower 120 a tel ve tiah an chim ning asi.

Mobile tower lei ah tuan mi Engineer pakhat nih cun Tower pakhat a Engine hna he aman dih lak in Kyat 15million in Kyat 25 million tiang asi lai tiah an ti, mah ruang ah cun Myanmar ram chung ah Mytel tower thlat khat chung ah an hrawh piak mi vialte cu aman in kan tuak ah cun Kyat 20 billion man hrawng an hrawh piak tinak asi tiah achim, atu ah hin ralhrang hna cu hriamnam lei tha zang ader chinchin cang lai tiah an zumh hna, hriamnam duh tawk in hman ding an ngei tuk tilai lo tihi an zumh ning asi.