Tuluk ram ah Chin nu Palik nih an Tlaih (A poi khawh ning)

Thawngpang tha lo lawng te tulio cu kan theih i a poi ngai ngai. Hi kong zong hi a van si than hoi. Tulio China boruak a tha lo timi cu zapi theih a si i Police cheukhat cu an mah pumpak phaisa hmuhnak ah Visa felfai ngeih loin China ram ah a lut mi Kawlram mi pawl tlaih ding in an kawl cuahmah hna. Cu ruang ah China ram ah riantuan in a um mi Kawlram minung hna zong vakchuak lo ding in ralrin pek lengmang an si i an rian ngeitu lei zong nih fimkhur te in um uh tiah an chimh hrin zungzal hna.

China ram, Shanghai ah a um mi Chin nungak Elena Pari zong hi a hawile nih lengchuah lo, vak lo ding in an chimh peng nain a hawile pawl biachim cu zeirel loin leng a chuah caah police nih an tlaih. Mirang le China holh a thiam mi a si fawn tikah Police pawl nih bia an hal mi paoh cu fawizaang taktak in a chim dih i Chin mi an umnak paoh zong a chimh dih hna ti asi. Cu ruang ah Chin mi minung(13) hna zong police nih an fuh hna caah an phone le phaisa lawng an lak i an zam, an thilri zong an zam tak dih ti asi. Cu a zam mi Chin mi minung(13) zong cu thinphang taktak in an um ko hna.

Elena Parti (Kanan khua) nih Chin mi an umnak a theih mi paoh cu police sin ah a chim dih ruang ah zaan suimilam 1am ti bantuk hna ah Police nih an va fuh, cun Elena Pari cu an i hruai peng. Police pawl zong cu Uniform hruk loin Chin mi an umnak le Kawlram minung an um ti an theihnak inn paoh ahcun an kal. A poi ngai mi pakhat cu Agent pawl umnak hmun tiang in a chimh hna caah minung tampi nih an umnak inn an chuah tak i an zam, an i thup hna. Hi ruang ah umnak inn chuah tak in a zam mi Chin mi minung(13) nih online in mipi sin ah thlacam cahnak zong an tuah i an hawile China a um mi zong ralring tein um peng ding in an chim hna hi asi. Credit: Vapual Auaw

Hi kong hi rel chap.

Presidential Debate ah chuak kho dingin Trump nih timhtuahnak a ngei.

Mipi nih theih kan duh ciau lai tiah ka zumh mi cu  A vawi hnihnak presidential debate, Oct 15th I ngeih dingah Trump a tel kho lai maw timi asi. mi tam deuh nih cun  ruah le damin a tel kho te ngha maw tiah kan chim ciau. Ningani zanleiah a dirhmun atha deuh lo, niam lei a panh timi an chim le bang cun thinlung tha hrim lo kha mu. Pathian nih A mi lete thlacamnak a theih piak i, nikhatni ah Siizung a chuahtak khawh cang. A dam hir hiar cang timi bel an chim lo nain, a dinhmun a that tuk cang caah Inn leiah zohkhenh si cang seh, a pawinak a um tuk theng ti lailo tiah Medical team lei nih an chim.

Trump Siizung in a chuah hnu tlawmpalah Trump 2020 communication director Tim Murtaugh nih cun a ral laimi presidential debate ah trump zong tel kho dingin timhtuahnak a ngei tiah Fox news President sinah theih ternak a tuah. presidential debate hi Oct 15th ah ngeih ding asi cang caah zarh hnih tling lo deuh caan a ngei rih tinak asi. Medical team lei nih leng chuah an sian rihlo caah zeitik tiang dah innchungah an hren lai timi chim khawh asilo. Trump nih cun White House a phak bakin a meithal (twitter) a lak cawlh i, Biden thuat dingin ka rak chuak zau lai, campaign zong ah ka mui nan hmuh khawh fawn lai tiah supporter hna sinah biakamnak a tuah fawn.

Debate vawikhatnak kha kan zoh ciau ko lai dah. expert pawl ruah ning zong a dang ciau. cheukaht nih Biden nih a tei deuh timi an um lioah cheukhat nih cun Trump cung deuh ah an chiah ve. Host nih biden a tanh tuk, trump he debate tuah hna selaw alo timi zong an tawr fawn. debate ka hmuh ning ah cun Trump kha a hawlh tam tuk ka ti. biden biachim lioah va ti buai a timh lengmang mi kha adawh tuk lo, Biden hi politician experiance ngei mi asinak a hung lang i, Trump nih vawi tam a buaihnawh len zongah biachim a palhlo, cun a chim duhmi a chim manh lengmang. A vawihnihnak Debate an tuah ding mi ahhin ho nih dah teinak hmu te lai timi cu ani le caan phak tikah a fiang te lai. debate hi an tuah tak tak ding si cun kap hnih in timhtuahnak tha taktak an ngei a hau cang lai. an zia, bialehning le biachimning an i tlaih cang caah kap hnih in an tan taktak a hau lai. Debate hmasa kha minung 84 million hrawng nih live in an zoh tiah an chim.