US Laimi caah ralrin peknak: Hi thil na tuah ahcun a rannak in kirter na si lai!

2018 kum hrawngin Chinmi hna nih kan van tawn ve mi kirternak(Deportation) hi USA President Donald Trump khuakhannak le a nawlngeihnak ruang thengmang ah si lem loin US immigration and Nationality Acts ning tein a sual tiah puh mi nu/pa cu deported tuah asi ko. President Obama chan zongah Criminals case in kirter mi hi an tam tuk ko nain Chin mi nih kan tawn bal rih lo caah kan rak theih rih lo bia tu khi asi.A cung hmanthlak khi 2013 Obama chan lio a cang mi asi.

Immigration nih zulhphung (Law) an i ngeih mi section (9 FAM 302-3) chungah zeibantuk sualnak a tuah mi dah kirter khawh an si ti mi a um.A hleiin kum (5) karlak chung te Green card kan i tlaih chung ahhin ralrin kan herh khun.Rammi sinak ( US Citizenship) na phit tikah sualnak pakhatkhat case a ngei mi na si sual ahcun dawnkhantu asi te kho.US na phaknak in Kum (5) chungah Sualnak ngan deuh na tuah sual ahcun fawi tein Kirter khawh than na si.Rammi sinak hmuhhlan hrim ahcun Ramthumnak ka phan cang tiin duh poh sualnak tuah lo ding hi a biapi i ralrin peng kan herh. US Citizen hmuh kho lo dingin phih piak le kirter a tong mi hna a ruang bik cu sualnak (convicted of a crime)a tuah mi hna kha na sual tiah puh mi an si hna. Cubantuk kirter dirhmun ah a phan mi hna cu (Crime of Moral Turpitude- CMT) Ziaza chia,thinlung put a chiakha mi hna sualnak le (Aggravated felony) ti mi sualnak ngan a tuah chin langmang mi hna hi an si.

1. Immigration Law Tangah Zeibantuk Hna Dah Sualnak (Crime) ah Ruah An Si.

A tawinak in CMT timi sualnak ah a bik in ruah mi sualnak cu ; Lih-(fraud),Mi thilfir-(larceny or rob)Mi thah-(Kill)Zurit bu tbt in motor speed luandeuh in mongh-(Driving Under The Influences-DUI)le minung si loah thilri pakhatkhat cungah timh ciammam tein harnak pek(harm) hna hi an si hna.Atanglei No. 1-4 tiang hi INA acts section (9 FAM 302-3-2 ) chungah zeibantuk sualnak a tuah mi minung hna dah kirter(deported) tuah an si ti mi tuahserhnak langhtermi an law he zohchunhnak check and balance tuahnak asi.

1) Thilri Cung Sualtuahnak:

Thilri cung tuah mi sualnak ahhin pumpak le cozah( government) sinah (lih-fraud)he ai pehtlai mi asi.

i.A palh/dik lo mi chimnak.

ii.Sualnak tuahtu nih timhbu tein thildik lo tuah.

iii.Hlengtu nih hlennak bochan in mi va hlen.

iv.Mi hlen i timh.(Defraud)

v.Tuahserhnak in Lih(Fraud)

vi.A dangdang- Thilri ,Inn tbt mei duah,Tlerhkhawn in tangka halnak,rumro in mithil chuh,Ca le min a deu tuah,thilfir-(Robbery/theft),Private thilri hrawhpiak,Inn boh le innchung luhhnawh tbt hna hi an si.

2).Nawlngeitu cozah hmaiah sualnak tuah:

i.Ziknawh(Bribery).

ii.Tangka deu tuah(Counterfeiting).

iii.A hman lo hngalh ko nain a hman ko tiah chiatsernak.(Perjury)

iv.Cozah Ngunkhuai cungah Lih.

v.Cakuat/bawm tibantuk in mi hlennak.

vi.Nawlbuar ruangah a thli tein a tlizammi ti bantuk hna hi an si hna.

3).Ziaza thatlo ruang si theng loin sualnak tuah nih lem/tuahsual.

– Gambling,ningcang loin tuahserh,hriamnam i tlaih,ralkap in zam,zudin buin motor mongh,thonginn in zam,meithal hriamnam hme mi in nawl buarnak, tbt le a dangdang hna an si.

4).Mi Pakhatkhat cung siloah,unau chungkhar tibantuk cungah nupa sualnak or thatlonak tuah.

i.Hriamnam le bia in mi thlaihrem.

ii.Hriamnam le bia in mi thah timh.

iii.Hriamnam le bia in mi chawva chuh.

iv.Hriamnam le bia in Pum tiang hliamhma pu lak in ti,

v . Lainawn-Muder,Sualnak man dan pekin mi thah-manslaughter,Nu/va sikvelhnak,hlawhhlang tuan,hlawhhlang auhpiaktu tbt hna hi an si hna.

2. Zeibantuk Caanchung ahdah Nunzia Thalo Sualnak Ruangah Kirter Khawh An Si.

1.A hleiin US siloah a ramthumnak ram kan phak in kum (5) chungah sualnak tuah ahcun kirter asi.

2.Sualnak ai thuat tuk hnu (Multiple Crime) ah kirter asi.

Tahchunhnak ah mi pakhatkhat nih dawr pakhat ah thil a fir i a voihnihnak zong cu ka dawr le hmun thiam ah a for ahcun Multiple Crime ah rel piak asi lo.Dawr dang a boh/fir longah rel piak asi.Citizen hmuhhlan ah sualnak tuah cu tih a nung tuk caah sualnak voikhat na tuah i Immigrantion Law tangah na min record a um cang ahcun kum (5) tlinhlan chung cu sualnak tuahnolh lo dingin na kum tuak law ralring hram i thawk.

3.Kirter Ding Dirhmun(Deportable) Kan Phak Tikah Ngaithiamtu Siloah Ngoltu(Waiver) Sawk Khawh Asi Nak.

Chuahkehnak ram leiah kirter/thawl tibantuk dirhmun kan phak tikah kirternak dirhmun in ngol asi nak hnga green card sawk khawh thannak a lam a rak um ve than.Kan sualnak case cu ngaihthiam awk le ruahpiak awk tlak mi asi maw timi zohthannak asi.A fawinak incun Innchungkhar a dirh cang mi na si i nangmah long kirter ding na si ahcun na fa, na nupi tibantuk he thennak dirhmun a phan kho mi asi caah hibantuk tahchunhnak lak mi dirhmun na si sual i ruahpiakawk tlak mi hna na si sual ahcun ruahpiak than dingin appeal tuahnak ding caah application form an tuah mi asi than ve.Cu form cu Immigration and Nationality Act(I.N.A) timi section 212(h) waiver ah Information tling tein hmuh khawh asi.

Hi waiver hi qualify khawhnak ding caah a herhmi document tampi a herh mi um kho.Cutin a ngah ding na si ahcun US na um kum le sualnak na tuah kum base in Kum (3-7) kar ah phungning tein um khawhthannak siloah greencard cu Form I-601 phih khawh than asi.Hi kum (7)chungah Cozah tlerh lo ding ,Kirternak (Deportable case) he ai mi thil sual a ngan mi (felony) tuah bak lo i zuam ding asi lai.

Hi waiver cu na ngah sual ahcun zangen thinhun (violence) in na tuahserhnak level cu an ruah thiam i um thannak nawl pei mi asi caah a voihnihnak caantha (Second chance) an pek than tinak asi lai.

Note,Ilona Bray J.D ti mi Nu nih Immigration Law legal article a tial mi chungin lak mi asi.

Leave a Reply

Your email address will not be published. Required fields are marked *