US Laimi Chungin Thihnak Kan Tong Than.

Maw vawlei cung ngai hi mu duh a tling hrim lo ee, kan dawt tukmi le kan zohthla ngai mi kan fanu kan fapa hna nih taksak in zungzal thennak a kan ngeih tak hi cu thinlung tuar a fak khun ko mu. Thihnak nih ngakchia upa thleidannak le zangfahnak a ngei kho hrim lo mu. Bawipa tu nih taktakmi chungkhar vialte in tuar zia in thiam ter hna sehlaw in hnem hram ko hna seh.

Atu mual a kan liam tak mi hi Pu Joseph Sithu le Pi Tha Chin Sung i fapa upabik Pa Chain Maye kum 11 lawng a si rih mi nih ruah lo tuk in mual a kan liam tak hi a si. Anmah hi an chungkhar in Houston khua, USA ah khua a sa mi an si. Apam hringhran mu, dam ko nain ruah lo tuk in mah ti hin thawng theih cu tuar a fak hringhran ko lai mu.

Athih ning hi deilei zing 1:30Am hrawngah a tho i a zun a zung ko i a it than. A nu riantuan a kal in a pa nih a zohkhenh hna i zing 6: 00AM hrawngah thawh ding sianginn kai ding in ka thawh atinak ah a tho ti lo i Emergency kan call ko nain minute 10 ah an phan colh. An phanh ahcun a nunnak a rak liam cang tiah theih a si. Atu hi Forensic lei nih siizung ah an kal pi i zeizawtnak in dah a thih ti kha an check hlai hnu ah thawng a fiang lai tiah theih a si. Thut dir ning kong le a ruak vuinak ti bantuk kong cu update tuah khawh than kan rak zuam te lai.

Thawngpang dang relchap<<<< Floy a thattu police officers 4 hna leitang sihni 4 cu Floyd an thahnak a kong solhnalh phunphai in bia an vaivonhter caah Minneaplis biacehbawi nih an bia zungah luhpi lo dingin a kham hna. Hi police 4 hi hmunkhat te ah rian an tuanti, lai an nawnti ko caah, an 4 ningtein hin taza zong cuaiti ding an si, tiin sihni pakhat nih a chim.

Floyd a thihnak kong he pehtlai in a kil tampi huapin zohnak an tuah i Hennepin County District Court Judge a si mi Peter Cahill hmaika ah an hmuhning pawl an chuahpi hna. Floyd an thah hnu ah hmunkhat te ah an 4 ningtein zung i an chuah avoikhatnak a si. Chauvin hi Floyd hngawng a khukin a rialdittu a si caah, second degree lainawng hmuh in taza an cuaimi a si.Hennepin County Sihni Mike Freeman le dang 3 hna hi lenglei sihni i sawm lo piin sizung ah Floyd ruak an vung hlathlat caah, biaceihzung chuak dingin nan i tlak lo, tiin Cahill nih a kham hna.

Ahohmanh i sawm lo in an kalmi hi thil dawhcah a si lo. Cucaah, hi sihni 4 hi Floyd thihnak kong ceih dingah an i tlak lo. Annih cu tehte ceo an si cang, tiin Cahill nih a thanh.Floyd hi police nih an tlaih i a cung i thazaang an hman ruangah a thih a si lo, bing le rihai si thalo a tonghtuk ruang i a thimi a si, tiin sihni 4 nih an chimmi biaka pawl cu Floyd i a tantaakmi a chungkhar le cingla rualchan pawl nih an pompiak kho hna lo.

Floyd a thattu a hlei in dineimi rihai si tha lo tham cu Minneapolis Police Department nih miphun thleidannak cirhchanh in a cung i tha le zaang an hmanmi hi a si. Tutan i a thihnak kong solhnalh an i timh hi cu Floyd avoihnihnak an thah bantuk a si, tiin amah lei sihni a tuanpiaktu Ben Crump nih a chim. Chauvin hi a vaar vuakvak coat angki, le a chunglei ah angki nak le necktie an hruk aih hna, cun vandum zawng mask ai hruk. Floyd an thah lio i lamkam minung nih video a zeih lio nak in a der thawm deuh mi a lo. Lainawn 4 hna kong an chimmi hi a vai khat viar ko hmanh ah, kaphnih biachimmi ngeihpiak hi a biapi hringhran, zeicahtiah a dang tete in an bia kan ngeih hna a si ah cun taantakmi chungkhar nih Floyd a thihnak hi a hlamter lengmang lehlam hna lai, tiah state special sihni Neal Katyal nih a chim.

Kan chanchung i ka hmuhtonmi thil hi a tam lengluang cang, asinain, tutan video hi cu ka zoh kho lo tluk khi a si, tiah sihni le US Justice Department i khahlan acting solicitor general a sibal mi Katyal nih a chim.Lainawng 4 hna hi hmunkhat cawlcangti an si, lai an nawnnak hmun ah a umti mi an si, minute 9 chung vawlei i Floyd an rialdit chih lio zongah an 4 ningtein bia an ruahti mi an si, tiah Katyal nih a chim.

Floyd an chanh lo caah, tiin Kueng, Lane le Thao cu second-decree murder in taza an cuai hna. Voikhat te lawng kan bia ceihpiak nan kan timh hi kan duh lo. Minneapolis lawng si lo in, a dang zongah kan kong kan ceihpiak u, tiin an 4 ningtein an duhnak an langhter pinah, an cung i an khinmi tazacuainak zong laakpiak than ding, tiangin capar an tial.An 4 ning i an case vialte fonhpiak hi cu a si kho lo mi thil a si. Anmah le an cawlcanghnak ning cio in ceihpiak ding an si, tiin Thao ca i sihni a tuanmi Robert Paule nih a chim.Ramtang sahngar 4 cu na ruksai in vun chuah riangmang in tual laifang ah cun voikhat te ah thlah na timh hna, tiin Paule nih biaceih zungah a chim.

“Black lives matter, dinnak a um lo cun daihnak a um lo, sual phaw hna, an sual, tiin fehter law lainawng police 4 hi thong ah kua hna” tiin Minneapolis ah a ummi Family Justice Center lenglei ah duhlonak a langhtertu minung 100 hrawng an au.Tazacuai hmundang lei thial le thial lo kongah biachahnak tuah dingah a tuan deuh rih. Zeitluk tiangin dah media lei nih kan konglam an chimceih cang, timi hlathlaitu thlah ka duh cang hna. Cu in cun Hennepin County ah hin zeitindah a dihcakmi phung hi thim le hman khawh a si lai, ti hi kan theih khawh hnga, tiin Cahill nih a chim.

A ho nih theih lem lo mi biaceihbawi pakhat kai ngeih ah a tha cang lai, cu lo in kan sihni le biaceihbawi pawl hi an kan dohpiak sual hna lai, ti phan a um cang. Zeibantuk phung dah kan hman ah a tha lai, timi thimnak caan hi zarh 2 chung a rau lai i, cu caan he telhchih in Floyd a thihnak kong ceihnak caan hi hihnu thla 6 a rau kho rih mi a si, tiin Cahill nih a chim. Credit:Chelsea Bawi