US Lainu Muidawh Tialku Konglam Rel Cu A Nuam Kho Tak Tak.

Kan Lainu muidawh Tial Tin Rem hi a man bak lo. Aidii Collections hna nih biaruahnak an ngeih pi i, a konglam a chim mi pawl cu rel a nuam kho taktak. A hmanthlak pawl siseh aa dawh taktak fawn. A tanglei ah Aidii Collections nih biaruahnak an ngeih pi nak a um lai. A konglam rel khawh a si lai. Uar um kho taktak si US Lainu ciammam si ko hi.

Available to order now. Instock now in Indianiapolis, USA. Model: Tial Tin Rem Photo: Ram Lian Sang

Interview with Tialku

1. Keimah ka min cu Tial Tin Rem a si. Ka nu le ka pa hi Hmunlipi khua an si. An min cu Thawng Lian le Ca Iang an si. Bawipa dawtnak thawng in Indiana University in Bachelor of Science in Neuroscience le Psychology in ka dih. Tuhi Douglas McArthur ah EL facilitator ka ttuan cuahmah lio a si.

2. Puzzle solve hi ka huam ngai. Cun ka um sawh caan ah podcast ngeih zong ka huam.

3. Chin Youth Organization ah education committee le mentorship program ah member pakhat ka si. Cun, Chin Evangelical Baptist Church nih kan neihmi High School Ministry ah assistant treasurer ka si.

4. 2018 le 2019 ah thluak lei he a pehtlaimi Indiana University–Purdue University Indianapolis ah research ka rak tuah. Ka tuahmi cu Indiana University Undergraduate Research Conference ah ka rak chim i, Greater Indiana Chapter Society for Neuroscience ca zongah ka rak chim tthan.

5. Kum 9 ka rak si lio ah US ka rak phan. Ka phanh ka ahhin ka rak hngakchia ngai natein caan tampi cu laitlang ah ka rak um tikah tutiang ahhin kan lairawl, kan hnipuan, le kan holh hi ka tlaichan ngai.

6. US kan phanh ka ahhin Laimi kan rak tlawm rih tikah ca kan i fian lomi le a dangdang bawmhnak kan herh tikah, bawmchantu a rak tlawm te. Mahruangah sianginn kai hi a rak har ngai. Mirang holh ka rak thiam lo i cawlcangh dan le um tuzia tiang in hin a rak i harh.

7. Laitlang ka um lio ah ka philh khawh lomi cu kan hawi le he in tual ah lente kan rak i celh hna i, kan ti a hal tuk lio caan ah tikuangchung ti kan rak dinmi ti kha ka philh kho lo.

8. US ka phanhnak in tutiang Laitlang ah ka tlung kho rih lo natein tlun hi cu ka thinlung ah ka chiah pengmi a si ko. Tlunnak caan ttha um tik cun, Laitlang i a ummi mino le kan nu le pa sinah thluak rian ttuan ning kong hi tampi chimh ka duh hna.

9. Ka chunmang cu Chin state ahhin neuroscience textbook hi laica tein neih khawh ding hi a si.

Aidii caah na caan sunglawi na kan pek caah kan ilawm tuk. Nai timh mi na saduhthah tlamtlin ding ah Aidii Thiamrun nih thlaza kan in cam piak!

Credit : Aidii Collections