US Lainu Nurse Katie Nih Pu. Bawi Vung Thihnak Kong Cu Mah Ti Hin A Chim.

Pu Bawi Vung a thih ning cu zaangfak ngaingai khi asi. hi bantuk thawngpang van theih cu lung a fak bak ko. Zahan ah khan Hakha Times Daily Newspaper nih Pu Bawi Vung a thihnak kong cu a tanglei bantuk hin an van thlah.

Hih-sii asiloah philh-sii pek mi a thisa nih a chei lo ca ah Ngaphaite khuami rilfonghlei operation tuahnak in a thi

Thantlang Peng Ngaphaite khuami Pu Bawi Vung cu Thantlang sii-inn October 17 zinglei suimilaam 10:00 ah rilfonghlei operation tuahnak in a thi, tiah kan theih. “Pu Bawi Vung hi kum 38 a si. Fa 4 a ngei mi a si. A thih ning hi operation tuahtu siibawi nih a chim ning ahcun, hih-sii asiloah philh-sii (meh-sii) kan pek mi hi hawi zat tein kan pek ve ko nain a thisa nih a chei deuh rua lo, a ti. Operation khaan in an chuahpi ah hin a nganfak tuk i tlawmpal ah a thicolh, tiah,” Messiah pa nih The Hakha Times ah a chim.

A ruak cu Thantlang sii-inn in an chuahpi cang i Ngaphaite khualei ah tlunpi an timh lio a si, tiah kan theih. Credit : Hakha Times Daily Newspaper.

Pu Bawi Vung thihnak kong he pehtlaiin kan Lainu US Nurse a tuan lio mi nih mah ti hin a chim, “Possible Malpractice or complications due to surgery?” tiah a chim.