Vawlei cung ah lephetsawh/tea specialty tea kg 1 ah India tangka in Rs-115,000 man bak asi,

Assam-ah an ngeih mi specialty tea tiah an timi cu, Manohari brand cu zar liam can ah khan, kg khat ah Rs-115,000 in zuar asi, Private portal Ta Inntech-ah an zuarnak ah ‘Manohari Gold Tea’ hi zuar asi kong, Manohari Tea Estate hruaitu pa Rajan Lohia nih a chim, “Guwahati Tea Auction Centre (GTAC)-ah cun kg khat hi Rs-100,000 man ding ah Tae Board India-nih aman khiah asi.

Mah ruang ah cun atu ah hin private auction hmang in kan zuar a herh tiah ati, auction nak ah hi bantuk phun tea hi an man afak bik cem asi tiah ati fawn, Manohari Gold Tea hi RK Tea Sales-nih an cawk mi asi, Manohari brand dang dang le gold variety hi GTAC-ah hin aman fak ngai in zuar anrak si cang.

Kum 2021 December thla ah khan GTAC in Manohari Gold tea cu kg khat ah Rs- 99,999 in zuar asi, Tukum February thla ah khan hi bantuk man zat thiamthiam in, AFT Techo Trade tuah ‘Golden Pearl’ cu zuar a si, June thla ah khan Jorhat Tea Auction Centre-ah Pabhojan Gold Tea kg khat cu Rs-100,000 in zuar asi fawn cang.

Ireland PM thar caah India mi Leo Varadkar lak luh asi,

Ireland Prime Minis­ter thar caah India chul chuak, Leo Varadkar cu zar liam can ah khan lak luh asi, PM caah lakluh avawi 2 nak asi, Kum 2020-ah Ireland ram thimnak an ngeih ah khan, centrist party pathum, Finen Gael, Fianna Fail le party te deuh Greens nih combine acoyah tuah asi, party lian pahnih Fine Gael le Fianna Fail party-hna nih ram hruaitu lu bik dirhmun hi pakhat hnu ah pakhat celh ding ah rem an ti veve kha asi.

Term acheu chung Varadkar hi deputy prime minister-ah a um hnu in, prime minister Michael Martin aiawh in thlen asi, Kum 43 mi Varadkar hi kum 2017-2020 chung ah khan Ireland prime minister arak si cang, hi dirhmun cang khawh ngakchia bik asi, Dublin-ah chuak in, a nu hi Irish a si, a pa cu doctor, India asi, Trinity College Dublin in medical degree a dih, damlo zohkhen pah in, politics lei ah a lut mi asi, kum 2007 ah khan Dublin thlang lei ah Fine Gael aiawhin thimnak ah acuh ve mi asi.