Vawlei cung ah thil mak ngai mi tampi kanrak theih tawn ko bantuk in atu zong ah mi pakhat nih ahnu lei ah Mei angei amak ko,

Thil mak hi cu vawlei um chung cu chim le theih peng ding a um ko lai, Nepal ah um mi pakhat nih cun, Mei/tail bantuk sau ngai a hnu lei ah hairy tail a ngeih ruang ah, an um nak hrawng ah um ve mi hna nih cun thil dang ngai mi asi caah, Pathian nih hrinthan ter mi asi tiin an chim hna khi asi, Kum 16 asi rih mi Deshant Adhikari nih hin a hnu lei ah mei a ngeih mi hi a chuah ka tein a um cang mi asi, ahnu lei ruh (vertebral column) te ah cun arak cawr mi khi asi, A sau lei hi 70 cm feet 2.3 hrawng asau asi.

The Mirror nih an tarlan ning in Deshant nu le pa hna nih hin an fapa hi a chuah hnu, ni 5 ah mei/tail dang ngai mi angei tiah ati, Mei a ngeih ruang ah cun, an lung atha lo ngai ngai tawn khi asi, an umnak hmun hospital dang dang hna ah kalpi asi, an fapa zoh khen ding ah Doctor hna sin zong ah an kalpi peng ko cang tiah ati, nain an umnak ah biaknak lei thil theih khawh tiah an ruah mi tlangbawi hna nih cun, Deshant nu le pa hna sin ah hin an fapa hrinchuah ning adang ngai ruang ah lung retheiter lo ding in, achim piak an Pathian‘Lord Hanuman’ (Hindu God of Monkeys) hrinthan nak asi tiah anrak ti piak, mah caah cun Deshant hrintu anu zong nih hnangam tein a um ve ko tiah ati.

A hramthawh ah cun Deshant nih a hrinpi mi mei (tail) a ngei cu alung anuam lo ngai ngai khi asi, atu ah cun vawlei hmaika ah langhter cu poi tinak angei ti lo tiah achim, ningzah zong angei ti lo, Mi hna nih cun Hanuman (God of Monkeys) le Shivaji (Hindu God) ti hna in an auh tawn tiah ati, Pu/pi chithlah ruang ah thil cang mi zong asi lo nain, achuah hnu ni 5  hnu ah atu bantuk in mei/tail arak cawr mi cu thil mak ngai cu asi ko, asi nain zei ti awk tha ti lo, tuar zia thiam kha biapi ko cang, tiah an pawngkam um mi hna nih tha zang an pek ve peng khi asi.

Deshant long hi an umnak Nepal ah hin an cung ah thil cang mi asi lo, mi dang cung ah thil mak ngai ngai mi hna aphan ve ko, mi toite, hmete ti bantuk hna zong an chuah ve tawn ko, vawlei ah minung toi bik ‘world’s shortest man’ sinak ngeitu Khagendra Thapa Magar a um cang fawn, Khagendra Thapa Magar hi kum 18 asi ah 67.08cm (2ft 2.41in) long sang asi, kum 2010 ah khan Guinness World Record arak ngeih cang mi asi.