Vawlei ram kip ceutertu England le Wales ram ah hin Christian hi 46.2% long an um cang: Hindu PM le Muslim Mayor an si cang,

Vawlei ram kip ceutertu England le Wales ram ah hin Christian hi 46.2% long an um cang: Hindu PM le Muslim Mayor an si cang,

“Ram Ni tla bal lo khawkhan laireltu” an tit awn mi Kumpinu Siangpahrang ram, England le Wales ram chung ah hin 46.2% long te hi Christian an si cang kong hi, atu ah cun Pathian um lo (atheist) pawl nih an uk ko cang, Mah kong ah hin San khat liam can ah khan 59.3% kan si tiah Christian pawl nih an tarlan kha asi, vawlei cung Khrihfa pawl percentage hi aniam chinchin cang timi zong fiangtuk in alangter ko cang.

 

Atu England & Wales ram chung ah um 46.2% longte hi Christian an si cangnak hi, kum 2021 ah Census report ah tarlan mi asi, atu ah hin cun 45,5% in an niam cang lai tiah an zumh, Mah Report hi Nihin ah Office for National Statistics chuah mi asi, Muslim hi 4.9% in 6.5% tiang bak an kai khawh, Hindu hi 1.5% in 1.7% an kai fawn khawh, Christian pawl cu atum chuk aniam chinchin tinak asi cang, mah pin cu atheist pawl an si cang.

Atu British PM Rishi Sunak cu Hindu kulmuk asi cang fawn tik ah, Parliament member ah lakluh a si zong ah khan, Bible siti lo in Hindu Cabu thianghlim Bhawgat Gita bak he bia kamtu arak si cang, London khuapi Mayor vawihnih thim nawlh asi mi Sadiq Khan zong khi Muslim asi, a pa cu Pakistan in Britain ah a thial/resttle an si, bus driver fapa a si, Kum 2011 ah milu relnak (census) ah minung 1/3 -25% bak hi Biaknak ngei lo an timi hna hi asi, kum 2021 ah cun 37% bak in an tam ko cang fawn khi asi..

United Kingdom ah tel Scotland le Northern Ireland ram milu relnak census cu adang tein chuahter asi, UK ah hin acoyah Church of England school dir mi hna cu tangka an bawm tawn kha asi, AP News ah cun Parliament Upper House ah Anglican Biaknak Bishops le King chungkhar (monarch) pawl cu, Anglican Biaknak lei zohkhentu le “Defender of Faith” ah ruah tawn mi an si, a ti, UK hi vawlei cung ah Biaknak ngei lo minung tambik nak arak sic ho deuh deuh cang mi ram asi cuah mah lio khi asi cang.

Archibishop of York Stephen Cottrell, Sr Cleric of Church of England nih, “Milu rel Census an laknak kong report ah an hmuhchuah mi nih, a lungthin a tong bak ko nain, hi thil hi Christian hna challenge nak asi ko tiin achim, Christian pawl nih zumnak lei ah bia tak tein zuam a herh cang tiah akan theihtertu asi ati, Kum 2011 ah England & Wales ram ah um 86% hna nih Mingo/White an tit awn zong 82% in aniam fawn cang kha asi, 9% hna hi Asian an si, 4% hi minak/Black an si, 3% hi thlah pawlh (mixed or multiple) an si, 2% hi miphun tlawm (ethnic) an si.

Mi pakhat nih achim mi cu Communist Laos ram ah a um lio ah, London tlangval 3 hi Coffee Restaurant-ah an ra ve, khual tlawng sawh sawh an si ko, England in anrak ra mi hna an si, kan iton hna nak ah a chim mi cu, University ah kai lio le an dih hnu ah, Navy le military lei ah kal/tuan tim mi hna an si, Cu pa nih cun “Mizo” an sinak kong le England ram lei in “Thawngtha Bia” an dawn mi asi kong le A AW B ngeih an si timi kong hna an chim piak, Christan an si le si lo kong hna an an hal khi asi.

“Pathian um nan zum maw?” tiin an hal nak ah an leh ning cu, “Kan ngakchiat lio ah cun kan nu le pa hna nih cun, Sunday School-ah akan hruai vetawn sihmanselaw kanrak pitling hnu ah cun, Pathian um hi kan zum lo..” tiin, Atheists an si kong an chim hna kha a si! Mak/khuaruah hartuk tiin, “Vawlei ceu tertu” Jesuh Khrih ruang ah Mizo hna kan thancho cang ning le, “Tlang cung ah khua um” bantuk in Miphun langsar le Vawlei ceu (light) ter lio kan si kong hna ka chim piak, nain zei an rel lo ani sawh sawh ko!

Khawika dah Pathian um fianternak cu? Scientific Age ah kan um cang ko hih! Fianternak Proof um lo kan zum ve ti lo e! tiah an ti bak cang, zei chim ding ngei bak lo in “Pathian nih an dawt/zangfak ngai ngai mi nan si” timi hi philh hlah ulaw tiin, ka counseling ve ko, zei tin dah kha Mirang tlangval 3 hna kha, London khuapi ah an um peng ngha..? tihi karuah peng tawn hi asi! Biak in chung ah pum khawm ding hmanh minung an um ti lo tluk khi asi cang, Biak in tampi cu Musliam pawl an cawkter dih cang fawn apoi taktak ko cang!

Kan Khrihfa ram hna zong ah atu ah hin Pathian um lo atheist pawl hi kan um ve cang ko ngha maw..? Kum 100 hrawng vawlei cung Chin/Zofa hna hi kan si ve cang, “Pathian um zumlo” (atheist) hna hi kan um ve cang ko lai lo maw? Atu ah nu le pa si lio hna le hmailei nu le pa si ding hna, mino lei youth Nungak tlangval hna, atu thawk in zeitin dah hma kan lak athat lai???