Vawlei tang fit/pe 600 thuknak ah Khrihfa hna Biak inn lian ngai mi cu khuaruah har ngai arak si,

Mah Biak inn hi amin hi “Salt Cathedral of Zipaquira” a si, Columbia ram Zipaquira khuapi pawngah um mi a si, khuaruah harnak cu vawlei tang pe 600 leng thuk ah um mi cite/salt chuahnak hmun arak si, Jesuh khrih arak rat hlan ah cite/salt laknak hmun a si caah, mah cu sawletnak/sumdawnnak pakhat zong arak si, Alexander von Humboldt nih 1801 kum ah cu hmunhma cu anrak phan cang tiah theih a si, 1876 kum ah cite lung longte asi mi cu anrak cawh hna a si, 1932 vawlei cawhtu hna nih zingka ah thlacamnak anrak ngeih hmasa tawn nak a si, 1950 kum ah project pakhat bantuk in Biak inn pakhat si dingah hramthawh a si.

1954 kum Ausgust 15 ah Biak inn cu open/onhnak anrak ngei khawh, America dollar 285 million anrak dih tiah thei asi, 1990 kum hrawng ah mah vawlei chung cu zeimaw him lonak a um caah kumkhat chung khar arak si, kumkhat hnu ah cun onhthan in rian antuan khawh cawlh, Biak inn zong thate in antuah than hna khi asi, Mah Biak inn hi room 14 le hall 3 a um, mah room hna chung ah cun Jesuh khrih hrinnak, minung silio le thihnak, thothannak, cu bantuk vialte hna hmuhkhawh dingin ayuk/picture tuah dih arak si.

Biak inn cu asau lei pe 400, asanglei pe 70, asi, minung 8000 an tlum khawh, room kip ah cros pakhat ceu an tar, luhnak ah Guardian Angel picture an chiah cucu Italy kut serthiam Ludovico Consorte nih tuah mi a si, Biaknak bu min/denomination a um lo hmanh ah Sunday ah cun minung 3000 leng nih bawipa an thangthat tawn, 2007 kum ah Columbia nih cawisangnak anrak puaipi an tuah, Hika hmun ah hin voikhat kal ah minute 60 long umkhawhnak nawl an pek, aruang cu him lonak pakhatkhat a um sual lo nak hnga tiah an ti.

Salt /cite tuahnak 3D video in zohkhawh a si, minung 300 tlum mi Hotel le coffee dawr zong a um, meeting le pakhatkhat committee hna um ah cun minung 800 hrawng tlumnak room pakhat zong a um, Hika hmun ah thit/umnak puai zong tuahkhawh a si, minung pakhat luhnak ah dollar $10 asi, alenglei in ei/din le kuak/zu hna kenkhawh asi lo, khamh dih a si, a ropi bak ko.

Ref ; Amazing world place, Daily news