Vice President Dr Henry Van Thio Kan lairam khual atlawnnak.

Kan Vice President cu heh tiah aa chawk cang ko hi. Vice President Dr Henry Van Thio Kan lairam khual atlawnnak video cu a pui kho taktak. Mawttaw tam taktak nih an zulh pinn ah mipi nih an um um hmun in a hman heh tiah an thlak fawn. A tanglei bik ah a video zoh khawh a si lai. Pu. henry Van Thio Lairam a khual tlawnnak hi Hnaring khua a kal nak a si.

(A video na zoh hlan ah a tanglei capar hi van rel ta rih)

Vice President Henry Van Thio nih Chin huap in Chin mi hna he a dirhpi mi le tuahpi mi hna (3)
1.Chin State Chamber of Commerce and Industry(CSCCI)
#Tuahtuan mi; A. Trainning tuahnak le office caah Hakha ah Vawlei 3 Acres) B.Chin State thanchonak caah Kawlram in Vawlei cung riantuan khotu Bu hna he connection tuah le riantuan ti asi.

2. All Chin Society Yangon.(ACSY) #Tuahtuan mi; A. Chin aiawh khotu Chin thilthuam (Pa hruk le Nu hruk thil) B.Chin mi dihlak i zohkhenhnak caah (Vawlei 4 Acres le Inn pi Yangon )

3. Chin Public Company( CPC) #Tuahtuan mi A.Hakha Car Station A cunglei pa 3 hi Chin mi Unity ca le thanchonak ah a biapi tuk mi an si.

” Pu Henry Van Thio Pumpak Tuanbia Tawi “

1. Chuahsemnak: Thantlang peng Tikir khuami tleicia Pu Lian Tlung (Khenglawt) le tleicia Pi Ngun Par (Sangpi chung) nih August 8, 1958 kum ah an hrinmi an fapa upa bik a si.

2. Chungkhar kong: August 16,1997 ah Rev. Dr. Ral Buai (Vuangtu Sangpi chung), Founder of UPC of Myanmar le Pi Sung Kui (Khenmual) (Tleicia) hna i an fanu upa bik Dr. Anna Sui Hluan, B.A.(USA),D. Min (Philippines), Ph.D. (New Zealand) he a thiang thitumnak an tuah. Pathian nih rosung fapa Jesse Van Bawi, fanu Jennifer Ngun Sui Par le fapa hniang Joseph Van Thio a pek hna. Jesse le Jennifer cu New Zealand ram Dunedin khua ah Otago University ah sianginn an kai lio i, Joseph cu Yangon ah sianginn a kai lio.

3. Fimcawnnak: Tikir khua State Middle School in kum 1972 ah tang sarih a awn hnu ah Hakha State High School in kum 1975 ah tanghra a awng. 1984 Kum ah Mandalay Arts and Science University (MASU) in B.A.(Geography) degree a la. Kum 1999 ah Yangon Arts and Science University (RASU) in Post Graduate Diploma in Law degree a la. Kum 2010 ah Philippines ram Manila khua international Graduate School of Leadership (IGSL) sianginn ah Master kumkhat a kai.

4. Rian tuannak: Kum 1977-2000 tiang ralkap a tla i, kum 22 chung minchiatnak ngei lo tein Major rank tiang a tuan. Cun, kum 2000 in Civil rian a simi Ministry of Industry (1) ah an thial i Mandalay khua Virginia Tabacco Factory ah Factory Manager (Sehzunghmu) rian 2005 tiang, kum 5 chung a tuan. Kum 2006-2009 tiang kumthum chung Bilin khua Spirit Factory ah Factory Manager (Sehzunghmu) rian a tuan. Cunglei bawile hna thawngin rian chung i a um lio a si nain a nupi Dr. Anna Sui Hluan hi Pathian rian a tuanmi a si i, ramdang ah Bible lei ah degree lak than ding a si caah, kum 2009 March thla in Factory Manager rian cu a chuahtak. Myanmar cozah theihpinak he kum 2009-2011 tiang Philippines ram, Manila khuapi ah an chungte in an um. Cun, kum 2011-2015 tiang New Zealand ram, Dunedin khua Otago University ah a nupi cu Doctor of Philosophy in New Testament kai than ding a si caah an chungkhar in cu khua ah cun an i thial.

5. Politic luhnak: 2015 November thla thimnak ah NLD party ai-awh in i cuh ve dingin Myanmar ram ah January thla chungah a rak tlung. Thantlang peng mee hmun No.3 in Amyotha Hluttaw in aa cuh. Pathian le Thantlang peng nih nan dawtnak thawngin teinak a rak hmu. Pathian le pengmi zapi cungah lawmhnak chim cawk lo a ngei. 2016 Feb.3 ni in a voi 2-nak Pyidaungsu Hluttaw ah Amyotha Hluttaw MP riantuan a thawk. 2016 March 15 ah Hluttaw ah Amyotha Hluttaw aiawh in Vice President caah candidate ah an thim i, 2016 March 30 ah Myanmar ram pumpi Vice President (2) tuanvo an pek.

6. Vice President in tuanvo a lakmi rian hna: (1) Ethnic, Public Management & Service Affair Committee (တိုင်းရင်းသားရေးရာ၊ပြည်သူ့ရေးရာစစီမံခန့်ခွဲမှုနှင့်ဝန်ဆောင်မှုရေးရာကော်မတီ – Chairman)

(2) Least Developed Country Graduation Status (ဖွံ့ဖြိုးမှု အနည်းဆုံးနိုင်ငံအဖြစ်မှ လွတ်မြောက်ရေးအတွက်အကောင်အထည်ဖော်ရေးအဖွဲ့- Chairman)

(3) Central Review Committee on Confiscated Farm Lands & Other Lands (လယ်ယာမြေနှင့် အခြားမြေများ သိမ်းဆည်းခြင်း ခံရမှုများ ပြန်လည်စိစစ်ရေး ဗဟိုကော်မတီ – Chairman)

(4) National Road Safety Council (အမျိုးသား ယာဉ်အန္တရာယ်၊ လမ်းအန္တရာယ် ကင်းရှင်းရေးကောင်စီ – Chairman)

(5) National Disaster Management Committee (အမျိုးသား သဘာဝဘေးအန္တရာယ်ဆိုင်ရာ စီမံခန့်ခွဲမှု ကော်မတီ – Chairman)

(6) National-Level Water Resources Committee (အမျိုးသားအဆင့် ရေအရင်းအမြစ်ကော်မတီ – Chairman)

(7) Myanmar National Culture Central Committee (မြန်မာနိုင်ငံ အမျိုးသားယဉ်ကျေးမှု ဗဟိုကော်မတီ – Chairman)

(8) Crisis Management Central Committee (အရေးပေါ်ကာလ စီမံခန့်ခွဲရေး ဗဟိုကော်မတီ – Chairman)

(9) Myanmar Special Economic Zone Central Body (မြန်မာ အထူးစီးပွားရေးဇုန်ဆိုင်ရာ ဗဟိုအဖွဲ့- Chairman)

(10) Permanent Residence System Management Committee (မြန်မာနိုင်ငံတွင် နိုင်ငံခြားသား အမြဲနေထိုင်ခွင့်စနစ် စီမံခန့်ခွဲမှုကော်မတီ Chairman)

(11) Hanthawaddy International Airport Project (ဟံသာဝတီ အပြည်ပြည်ဆိုင်ရာလေဆိပ် တည်ဆောက်ရေး စီမံကိန်း ဦးဆောင်ကော်မတီ – Chairman)

(12) Dawei Special Economic Zone & Joint High Level Committee (ထားဝယ် အထူးစီးပွားရေးဇုန်နှင့် ဆက်စပ်စီမံကိန်းများ အကောင်အထည်ဖော်ရေးဆိုင်ရာ မြန်မာ အဆင့်မြင့် ကော်မတီ – Chairman)

(13) National Tourism Development Central Committee (အမျိုးသားခရီးသွားလုပ်ငန်း ဖွံ့ဖြိုးတိုးတက်ရေး ဗဟိုကော်မတီ – Chairman)

(14) National Committee on The Rights of Persons with Disabilities (မသန်စွမ်းသူများ၏ အခွင့်အရေးများဆိုင်ရာ အမျိုးသား ကော်မတီ – Chairman)

(15) National Land Use Council (အမျိုးသား မြေအသုံးချမှု ကောင်စီ Chairman)

(16) Data Accuracy and Quality of Statistics Committee (စာရင်းအင်း အချက်အလက်မှန်ကန်ရေးနှင့် အရည် အသွေးပြည့်ဝရေး ဗဟိုကော်မတီ Chairman)

(17) Intellectual Property Central Committee (မူပိုင်ခွင့်ဆိုင်ရာ ဗဟိုကော်မတီ – Chairman)

(18) Digital Economy Development Committee (ဒစ်ဂျစ်တယ်စီးပွားရေး ဖွံ့ဖြိုးတိုးတက်မှု ကော်မတီ – Patron)

(19) Farmers Rights, Protection & Interests Promotion Leading Body (တောင်သူလယ်သမား အခွင့်အရေး ကာကွယ်ရေး နှင့် အကျိုးစီးပွား မြှင့်တင်ရေး ဦးဆောင်အဖွဲ့ Leader)

(20) Central Committee for Development of Small and Medium Enterprise (အသေးစားနှင့် အလတ်စားစီးပွားရေးလုပ်ငန်းများ ဖွံ့ဖြိုးတိုးတက်ရေး ဗဟိုကော်မတီ – Vice-Chairman)

(21) Finance Commission (ဘဏ္ဍာရေး ကော်မရှင် – Vice-Chairman)

(22) National Planning Commission (အမျိုးသား စီမံကိန်း ကော်မရှင် – Vice-Chairman)

(23) Cabinet (ပြည်ထောင်စုအစိုးရအဖွဲ့ – Member)

(24) Central Committee for Development of Border Races Areas & National (နယ်စပ်ဒေသနှင့် တိုင်းရင်းသားလူမျိုးများ၏ ဖွံ့ဖြိုးတိုး တက်မှု အကောင်အထည်ဖော်ရေး ဗဟိုကော်မတီ – Member)

(25) National defense & Security Council (အမျိုးသား ကာကွယ်ရေးနှင့် လုံခြုံရေးကောင်စီ – Member)
Vice President in tuanvo a lakmi rian 25 chungah Chairman 17, Vice Chairman 3,Patron 1, member 3 a tuantu kan pa a si.

7. Ram Aiawh in Ramdang ah a kalnak:

1. Netherland – Ti he a pehtlaimi thanchonak caah 2017 April 18-2-17 April 25 tiang a kal.

2. New York, America – Ti he pehtlai in a voi 3 nak tuahmi UNO Special Meeting ah 2017 July 15-2017 July 24 tiang a kal.

3. New York, America – A voi 72ndUnited Nations General Assembly ah a kal i rampi aiawh in bia a chim. Pu Henry Van Thio hi

Myanmar ram hruaitu upa hna dirhmun in 4-nak le Chin miphun chungin 1-nak caan hmangtu a si.

4. Hanoi, Vietnam – A voi 6-nak Greater Mekhong Summit ah rampi aiawh in bia a chim.

5. Jakarta, Indonesia – 2019 October 19 in 2019 October 21 tiang Indonesia President thar biakamnak (inauguration) ah rampi aiawh in a kai.

6. Phnom Penh, Cambodia – 2019 November 18 in 2019 November 21 tiang tuahmi Asia-Pacific ram hruaitu hna meeting ah rampi aiawh in a kai.

7. Seoul, South Korea – 2020 February 2 in 2020 February 8 tiang tuahmi World Summit on Peace, Security and Human Development ah rampi aiawh in a kai.

8. Upatnak Pekmi: Honorary Doctorate degree in Leadership cu Global Gateway University of Missouri, USA nih 23 January 2017 ah an pek.

9. Vice President A Riantuannak Committee Hna Chungah Aa Lungmuih Bikmi Hlawhtlinnak Hna:

1. Central Review Committee on Confiscated Farm Land and Other Lands ah Chairman sinak in, mizapi sinin, lakpiakmi vawlei chungin a tu kan cozah term kum 4 chungah Acre (117,718) kha an hal piak hna i, vawlei ngeitu sinah Acre (107,157) an pek khawh than cang hna. A taangmi zong kan pek rih hna lai ti a si.

2. Farmers Rights Protection and Interest Promotion Leading Body Committee ah Chairman sinak in, Myanmar ram in 1934 hnu (kum 73 chungah) ramdang ah facang (rice) tambik an zuar khawh.

3. Ti lei he pehtlai in National Level Water Resource Committee ah Chairman sinak in, 2017 December 11-12 tiang 3rd Asia-Pacific Water Summit kha Yangon khua ah Myanmar ram nih a voikhatnak tlamtling tein an tuah khawh. Mah thil ti khawhnak ruangah Yangon Declaration zong an rak chuah khawh. Cucaah, UNO nih a tuahmi 2019 March 22 World Water Day logo ah INLE Lake tilawng (vok-kuang-lawng)zahnak hmantlak in upatnak an tuah.

4. National Tourism Development Central Committee Chairman sinak in, UN World Tourism Organization nih 2020 February 4 ni ah chuahmi ca chungah Myanmar ram cu 2019 kum khualtlawnnak he pehtlai in thanchonak a rang bikmi ram vialte lakah pakhatnak (42%) a si tiah an langhter.

5. Finance Commission Vice Chairman le National Planning Commission Vice Chairman le National Planning Commission Vice Chairman sinak in, hlan lio caan nakin atu ah Chin State budget hi tamdeuh in an hmuh khawh.

6. Cozah pi cabinet members le Central Committee for Development of Border Areas and National Races Vice Chairman sinak in, Chin State caah lamkip in thanchonak tampi an tuah khawh.

7. National Road Safety Council Chairman sinak in, Kalay-Falam-Hakha lampi sersiamnak ding caah World Bank nih thaap cangmi US $

6.2 million lem than (cancelled than) an timh ruangah Amah Pu Henry Van Thio le Minister of Construction U Win Khaing nih fakpi in an rak chimrel caah an kan pek than i 2021 kum chungah rianthawk than ding a si lai.

8. Myanmar National Culture Central Committee Chairman sinak in le telpinak in, Chin miphun caah a herh tukmi tlang cung le nel rawn Chin miphun vialte hna caah combined (Fonh/cawh) Chin thil thuam cu 2017-2018 chungah an chuah khawh. Mah thil thuam Pa-angki cu ai hruk i, vawlei cung ramkip hruaitu vialte hna tonnak 72ndUnited Nations General Assembly ah bia a chim. Mah thil thuam nu-angki cu Thantlang khua ah tuahmi 72nd Chin National Day kalnak ah rampi hruaitu State Counselor Daw Aung San Suu Kyi nih aa hruk.

9. Ethnic, Public Management & Service Affair Committee Chairman sinak le telpinak in, Chin miphun vialte i funtomnak caah All Chin Society (ACSY) cu 2017 kum ah Yangon ah an dirh i, vawlei hmun Acre 4 zong Yangon Regional Cozah nih an kan pek. Building pawl hna zong an sak cuahmah liopi a si.

10. Central Committee for Development of Small and Medium Enterprises Vice Chairman sinak le telpinak in, Chin State Chambers & Commerce of Industries (CSCCI) zong 2018 ah an dirh i, Hakha khuapi ah zung saknak timhtuah a si cang.

11. Central Committee on the Rights of Persons with Disabilities Chairman sinak in, Myanmar ram ah tuah bal rih lomi, ram pumpi um kum 85 cung tarnu/tarpa bawmhnak pension cu minung pakhat ah thlakhat 10,000 kyats in pek a si. Nu nau pawi cu thlakhat ah 15,000 Kyats le hrinmi ngakchia pakhat ah thlakhat 15,000 kyats in Chin State, Rakhine State, Kayar State le Naga Land vialte ah pek a si. A taangmi state le regional divisions zong pek thluahmah ding a si. Naypyidaw khua chung hmun hnih (2) ah, a hmasa bik khua a hmu lomi le a kal kho lomi hna fawi tein tlonlen cawlcangh khawhnak ding caah zunput (toilet), wheelchairs chiahnak, wheelchairs kalnak lam, khua hmu lomi hna kal khawhnak lam hna tuahpiak a si.

10. CHIN STATE CAAH A TUANPI CHIHMI RIAN PIPA HNA:

1. Airports ( Vanlawng ground pawl)

1.1. Chin State ah a pakhatnak tuahmi Falam Surbung airport ( Cozah phaisa)

1.2. Lailenpi airport (Ramdang bawmhnak)

2. Bridges ( Hlei pawl)

2.1. Paletwa hlei

2.2. Var hlei

3. Roads ( Lam pawl)

3.1. Cikha-Tedim-Falam-Hakha-Matupi-Paletwa Lamthlurpi

3.2. Hakha-Saisihchuak Lam

3.3. Hakha-Hmantaw lamthar

3.4. Kanpetlet-Samee-Paletwa Lamthar

3.5. Samee-Cindui,Kanpetlet Lamthar

3.6. Lailenpi-Shinlatwa Lamthar

3.7. Kabani-Rallawn-Lungpi Lamthar

3.8. Tedim-Khaikam Lamthar

3.9. Tonzang-Yazagyo Lamthar

4. Factory (Sehzung pawl)

4.1. Mindat peng Tawlrelba sehzung (2021 ah Thantlang zongah Tawlrelba sehzung sak ding a si lai)

4.2. Bungzung peng Cement Factory miring vawlei sehzung (ni khat ah 100,000 bags/5000 tons chuahnak sehzung nganpi) a hram an thawk cang.

5. Town Upgrade (Myo) pekmi khua hna

5.1. Cindui

5.2. Makui-innnu

5.3. Surkhua

5.4. Hnaring

5.5. Webulah

6. District (khayaing) pek tharmi

6.1.Matupi Khayaing (District)

7. Education

7.1. Hakha College cu University level ah kaiter a si cang.

 

7.2. Hakha Education College kum 2 kaimi cu kum 4 kaimi degree college ah kaiter a si cang.

7.3. Hakha Sport and Science Training School

7.4. Hakha Mid-wife Training School (Nursing Training School zong 2023 ah tuah te ding a si)

7.5. Mindat khua ah Mindat College (tukum in sak hram an thawk cang)

8. Hospitals

8.1. Thantlang 25 bed hospital in 50 bed hospital

8.2. Kanpetlet 25 bed hospital in 50 bed hospital

8.3. Paletwa 25 bed hospital in 50 bed hospital

9. Dam pawl

9.1. Laikual No. 2 Dam

9.2. Tikir Dam

9.3. Hakha Nawi Dam (2020-2021 budget ah a tel cang)

10. Electric Power caah

10.1. Laymyo hydro-electric power project (620 MW),

10.2. Manipur Dam (380 MW)

Pu Henry Van Thio hi dirpi than hna sih Vawlei cung um Chin miphun vialte hna Pathian thawng le nan dihlak dirkamhnak thawngin kum li renglo kan ram thanchonak caah a cunglei kan langhtermi vialte hi tuan khawhnak a ngeihmi a si. Hi pinlei zongah tuan le lim ding rian lohma ban a ngeih rih caah nan mah dirkamhnak a herh tuk rih. A tangmi an lohma lim khawh ding le Federal Democracy rampi ser khawhnak caah 2020 kum thimnak ah hin nan thimfung (vote) pe rih hram hna u sih.

Credit, Rev Dr Peter Ngun Za Cung

A tanglei bik link ka van thlah mi hi Click law Pu. Heny Van Thio Lairam khual a tlawn nak video a um lai.

https://www.facebook.com/nldcandidate/videos/1700687996774038

Video Credit : Henry Van Thio