Yangon Middle School ah kum 14 leng teacher rian tuan cang mi nih CDM atuah ve ruang ah ram tang in hiti hin bia arak chim “aw kanram” lung afak ko e.

Yangon Middle School ah kum 14 leng teacher rian tuan cang,

Thailand ramri hmun pakhat ah atu bantuk eidin hmuhnak caah tiah rian an tuan mi asi, nikhat ah hin Suimilam 11 chung bak rian har ngai mi hna an tuan tawn, chungkhar dirter thannak ding ti zong ruahnak a um lo lawlawse eidin hmuhnak caah tiah ruah lo pi in mah dirhmun adir mi asi, t uhlan ah cun chungkhar nuam tein khuasa mi an si, pin ah ram chung ah zalongte in a um ve ko mi cu, kan ram democracy dirter ve duh ruang ah CDM tuah mi asi, hnipuan tha zong angei khawh ti lo, raw lei ding an ngah ah cun an inuam ko khi asi, minung thanchonak lei kong cu ruahnak hrimhrim ah a um kho bak ti lo, chun nitlak lung rethei le zeitik ah dah hnangam te in chungkhar he khua kansak ti hna lai timi long long hi lungchung ah a um peng khi asi.

Cun cheu khat hna cu siangin kai lio Nungak kum 14-16 hna an sirih ko, mah hna vialte he CDM tuah mi an si ve caah, ram chung ah himnak a um ti lo tik ah, himnak duh in Thailand ramri hna le Bangladesh, India tibantuk hna ah hin tampi ram tang ah an um hna khi asi, ruahsur tang ah zei bantuk ria nasi zong ah duh thim khawh asi lo tuan aher, mipa rian zong tuan aher ko cang, CDM tuah ruang ah Military Council ralhrang hna nih acoyah dohtu nan si tiah hmun kip ah minung tlaih ding in an kawl peng fawn khi asi, atu ah hin Thailand ramri lei khua pakhat dum ah rian kan tuan lio asi, zing suimilam 7:00am in kan thawk zan lei suimilam 6:00PM tiang kan tuan ah hin, nikhat ah suimilam 11 chung kan tuan tina kasi, nikhat ah Thailand Bath 150 kan hmuh Myanmar tangka in 9000 tluk asi lai tiah ati.

Kan rian tuan mi hi ahar taktak ko aruang cu dum chung ah hin rian pakhat long kan tuan lo, vawlei kan cawh pin ah thlai cin nak caah aphnuphun in tuah aher kan cin bik mi cu fungvoi, nannan le thil dang dang hna asi, ahar taktak ko chun nitlak tiang nilin/lum tang ah kan tuan tik ah cun lung re athei bak ko, kan taksa hna tiang minak bantuk in kan um ko cang, meh thaw kan ei khawh fawn lo, keng afak zong ah idin ta ngam kan si lo, vawlei cung ah atu bantuk in riantuan har katimi hi katon vawikhatnak asi, chim thiam ahar ko ka chim thiam lo tian sayamah nih atu bantuk in news ah report a pek mi asi.

Middle sayamah Daw Tan Ka nih lam chukcho harnak aton mi kong ah nu le pa chungkhar u le nau an ngai tuk ning longte hi alungthin chung ah alang tawn ko, hmuh duh zong ah umzia angei lo, kan ram hi zeitik tiang dah kan hngah lai? Zitik ah dah zalong te in kan kir lai? Fanu pakhat kum 17 cu kakalpi I kasin ah riantuan thiamthiam in a um ve ko, ralhrang nawlngeihnak lak kan duh lo ruang ah mah dirhmun hi kan si ko cang, kei mah long cu ka si lo, mi tampi an si ko, ram caah thil tha duh mi hi atu dir hmun ah cun misual dirhmun ah akan dirter ko hih! Thil sual atuahtu an mah ralhrang hna nih, sualnak angei lo minung an tlaih,an hrem, an thah, nu hna cu nih tlaihhrem an ton, cu tluk asual mi nih mi sual asi lo mi cu sual akan phor vawlei hi amak ngai ko cang.

Kan riantuannak hi acoyah theihpi mi asi lo caah riantuan man zong thathi in kan hmuh kho lo pin ah, kan umnak zong hi hnangam tein kan umnak zong asi lo caah hmunhma ithial leng mang mi kan si fawn, kahawi Nu Daw Pan Aeh he security ngeih bak lo in ram tang ah kan um mi asi, mi ram chung ah kan um fawn tik ah ningcang asi fawn lo cu! Kan ram, kan khua, kan umnak hmun kha kan ngaituk taktak ko e, atu dirhmun ah cun zei hmanh beisei khawh asi fawn lo, zei tin dah nichiar in eidin kan ngah lai ti long hi asi, ruah ding zei hmanh kan ngei lo kan lam apit bak ko ti awk khin kan um ko cang hih!

Myanmar ram chung ah hin Education department lei riantuantu staffs le Officer hna, cawnpiak tu saya & sayamah vialte hna hi staffs minung Ting 4.6 leng kan si, Military nih nawlngeihnak an lakhnu ah staffs ting 2 leng nih CDM kan tuah mi asi, atu ah hin kan theih ning ah 2022 tiang CDM tuah pengrih mi hi minung ting 1.50 hrawng kan um rih ko tiah Saya/sayamah Magazine record ah chinchiah asi tiah theih asi, atu Thailand ramri ah hin minung 100 leng kan um hna tiah Daw Tan Ka nih ati, zei can tiang dah kan um khawh lai timi hi fiang in chim thiam ahar ko tiah achim chih.

Feb 2022 hnu ah cun NUG acoyah nih Thai le Myanmar ramri aphan mi CDM hna cu ration cheu khat bawmnak kan ngah ve cang hna, NUG acoyah zong ramkhel tuah lio asi caah tangka duh ning in an ngei ve lo khi asi timi kan theih ko, an ngeih mi tec hung in ration akan pek mi hi asunglawi tuk hringhran ko, CDM cheu khat hna cu NUG acoyah lei zong nih an tuah khawh tawk ah rian an kawl piak ve fawn caah hmailei ah riantha deuh tuan ve khawh ding ah beiseinak asang ngai ko, Thailand Myanmar ramri ah um mi hna CDM staffs hna cung in atu bantuk in BBC nih an kal hnawh hna nak ah interview an tuah mi thawng pang cheu khat hna asi.

Atu bantuk in ram tang ah refugees dirhmun hi minung kan si nak ah aniam bik dirhmun kan si ko cang, kan tefa hna hi zeitin dah fimthiamnak an cawn ve khawh lai? Aw apoi ngai kan kawlram hi cu zeitin dah tuah atha hnga? Mah bantuk hin fimnak, thiamnak, zei hmanh ngei lo in kan tikhawh tawh cu mi tang ah kut riantuan hi kan sining ding asi ko cang kaw, san zeizat tiang dah hiti hin kan kal rih hnga? Atu ah cun kan duh zong ah duh lo zong ah kuli rian tuannak ah cheu khat anunnak aliam cang, cheu khat thawng an tla, cheu khat ram dang ah himnak duh in refugees dirhmun an phan, mah hi maw minung dirhmun cu asi, Myanmar minung dirhmun hi vawlei nih zeitin dah aruah hnga?

Ref:BBC Interview