Yangon ralhrang Leader nih angeih mi Inn 4 hna le ahmun cu NUG nih an zuar cang lai tiah thawng theih asi,

Ralhrang Leader bi kasi mi Min Aung Hlaing min asi mi le Yangon ah a um mi, INN le Ahmun kau ngai mi cu, National Unity Government NUG nih auction in zuar asi lai tiah, Project le Financial lei sumdawnnak nawl ngeitu U Tin Htun Naing nih, press conference ah atu bantuk in thawng arak thanh mi asi, Atu ah hin Ralhrang Leader min in a um mi Inya road N0-14, cu NUG nih American $ 10 million in zuar hramthawh asi cang, $ 5 million leng zuar asi cang tiah news ah tarlan asi.

2Acres kau mi Inlia road lei Garden N0-14, INN cu NUG acoyah project le Financial lei nawl ngeitu Department nih $36million man asi tiah khiah mi chung ah 30% percentage in $10 million in Property ah zuar asi tiah theih asi, Yangon ah Min Aung Hlaing nih amin in an ngeih mi, Inn 4 a um, mah hna cu an fa hna nih angei mi asi, sumdawn nak thil tampi ngeih mi a um fawn pin ah, Yangon khuapi pakhat ah Ralhrang Leader hna nih an chuh piak mi Leikuang 60 hrawng a um tiah U Tin Htun Naing nih atu bantuk in arak chim chih mi asi.

U Tin Htun nih achim than nak ah Min Aung Hlaing ta Inn pakhat long asi lo, adang INN tampi angeih rih tiah ati, an tuanpi mi ralhrang Bawi hna zong nih Inn le dum, Leikuang tampi an an ngeih hna, mah an ngeih mi Inn hna hi approved nak he record ka ngei dih, mah hna belte hi cu aho dah angeitu khawika dah a um timi hna he zuar ding ah kanrak thanh than te lai tiah ati, Ralkap hna he a peh tlai mi hna le apawmpi tu hna tiang, an ngeih mi thil hna cu ningcang asi lo caah, mah hna vialte zong Upading in lak piak dih asi lai tiah achim.

Atu ah hin Inlia lei Garden N0-14, hmunhma acawk mi hna cu, tangka in siseh, thil dang in siseh, Hmailei ram athat tik ah atlawm bik alet thum in amiak an ngah than lai, acawk mi mipi lei pakhat le pakhat theih thiam in zuarkhawhnak ding zong ah arauh hlan ah tlamtlingnak a um te lai tiah NUG nih achim fawn, mah ralhrang hna nih an ngeih mi hmunhma hna Garden/dum bantuk in tuah khawh ding le ramkhel ruang ah nunnak aliam cang mi hna philhlonak park hmunhma hna chiah piak a si lai tiah theih asi.

NUG acoyah lei nih Revolution ramkhelnak caah fund kawl peng asi, thil zuarnak, Lucky ticket tuahnak, Tax laknak le donation pektu vialte hna hi, NUG chung riantuannak tete le t uhlan ah Budget $700million zong asi, atu ah cun mah nak tam deuh budget hi kan herh chinchin ko lai tiah NUG nih ati.