Zahan Sui Hlei Tial kong Pu Zo Bawi chimmi hi ruahawk a um ngai

Chin mi vialte party ti lo peng tlang ti lo in kan ruahnak a kan cawlcangh ter dih tu cu kan farnu le kan dawtmi  Sui Hlei Tial kong hi a si. Hi thil hi Chin mi nih kan ton bal lomi thil a si caah aho cio paoh an holh i a lungfakmi zong an tampi. Party vote kawlnak men ahcun si hram hlah seh. Minung nunnak tluk i a sunglawimi thil hi a um lo. Cun zoh dawh le dawh lo zong hi a um ve. Kan farnu Sui Hlei Tial kong he pehtlaain Pu Zo Bawi zong nih bia a chim ve. 

Zahan Pu Zo Bawi biachim cu uar a um khotuk. Atimi cu dawtnak zawnruahnak lungthin angei lomi hna cu thial thluahmah an si ko tiah a chim. Sui Hlei Tial ruak khamnak ah nawlngeitu lutlai hna cu action kan lak ko hna lai tiah a chim chih. Kan theihcio bangin kan farnu Sui Hlei Tial ruak cu Thantlang nawlngeitu hna nih khuachung an luh an sianh hna lo. Kan farnu Sui Hlei Tial ruak khamnak konghe pehtlaiin, Pu Zobawi nih atimi cu, Kan farnu Sui Hlei Tial hi covid zongin a zaw in a thi mi asi lo. Inn cungin a thlami asi i, Malaysia cozah nih thatein an tawlrel hnu ah kawlram ah an rak tluntermi asi. Cun rangon in mandalay, Hakha, Thantlang ah hi bantukin an khammi hi a poi taktak mi asi ko.

Kan fanu Sui Hlei Tial ruak an kham timi hi internet in ka theih i, ka lung afak ngaingai ko. Zeiruangah hi thilhi an tuah hnga, Covid committee ah hin Laimi an i tel hnga lo maw tiah ka ruat. Cun, Hakha zongah nawlngeitu hna an chim hna hngalo maw tihna ka ruat. Hibantuk thil a cangmi hi cu a sikho bak lomi thil asi, Zeitindah rianngeitu hna hi azizut nak dingin ceihkhan a si ko lai. Laitlang ah dawtnak lungthin he rian attuan lomi cu kan ṭhial thluahmah ko hna.

Hi bantuk minung nih dawtnak ngeih loin rian an ttuanmi hi cu lung afaktuk. Zeitindah rianngeitu or nawlngeitu hna hi a zi kan zut hna lai timi hi ruah a si ko. Asinain a tulio cu theihcia bangin thimnak lai asi caah rian atam i, kan i tong kho rih lo. Action cu kan lak hrimhrim ko lai tiah a chim. Tuchun Pu Zobawi biachimmi hi uar a um taktak. Dawtnak lungthin angei lomi cu thial thluahmah an si atimi siseh kan farnu ruak khamtu hna cu action kan lak hna lai atimi hrimhrim uar a um. Credit: Chinlung Post

Hi kong hi rel chap. USA ah Kanmah Kawlram Leimi Tlangval (2) Ruak An Char Hna 

Atulio cu thawngpang chia lawngte nih a kan phak cang ko i hi bantuk thawngpang theih zong hi a theitu ca zong ah a nuam lo ngai ngai ko . USA,Fort Worth,Texas i a um mi kan mahlei kawlram mi tlangval 2 ruak an char timi theih a si. October 10,2020 zarhteni ah khan zinglei ah mi pakhat nih Echo Lake Drive pawng ah mithi ruak a hmuh i a ran nak in palik a va chimh hna .Palik pawl cu a rannak in cuka hmun ah cun an va tli colh i zinglei nazi 8:30Am hrawng ah ruak um nak hmun cu an phan .

 

 

 

 

 

 

 

Ruak cu an lak i tha tein an zoh tik ah an mah tein aa thatmi silo in minih na thah hna i an hlonhmi an si ti an theih khawh . Zei catiah ruak hi thah hnu ah mei in khangh an si timi fiang tein an theih khawh caah mi nih an thah hna hnu ah an khangh hna ti cu an zumh ning a si.Palik pawl nih cun thil sining an hlathlai cuhamah lio a si i mithat tu zong tlaihkhawh colh dingin hlathlai nak an tuah cuahmah lio a si .A thimi hna tlangval pahnih hi kan mah lei kawlram mi Karen mi an si i an min ah “Za nay Htoo (kum23) le Snay Gay (kum 27) an si . Palik pawl nih Karen community hruaitu pawl sin zong ah tha tein thawngthanh nak an tuah cang hna i a herhning in buaipi an si.Hi Karen tlangval pahnih hi zeitin dah an thih ning a si i zeiruang ah dah thah an ton ning a si timi fiang tein theih a si rih lo i , an chungkhar zong an thinhung taktak . Fundraising (GofundMe)zong tuahpiak an si i a pe duhmi nih pek cio khawh a si . (Chinland today news)