Zualko (RIP): US Indianapolis ah Pu Thang Sui nih Mual A Kan Liam Tak

Thih Dar Kan Tum !!! Indianapolis, IN USA Khuasa mi Pu Thang Sui @Cungpi pa ( Kum 53 ) #Hlamphei nih kal lei damlonak le a tulio tlangrai zawtnak in tuzanlei 2:10PM ( February 7, 2021 ) ah Methodist Hospital, Indianapolis in Mual a kan liam tak ruangmang cang ee. Ngaihchiatnak a tuartu Chungkhar, Khua mi le Dawttu vialte Bawipa Pathian tu nih hnem hram ko hna seh. 


Ngaihchiatnak hrawmpinak he- Zophei Community of American. 

Relchap:Chin Mino Hna Sin Biacah (Salai Lairamthang): Chin mino hna ralkap cozah dohnak caan tha nan ngeih hi nan iuar ding a si. Nan ngeihmi caan tha kha raltha tein hmai nawr khawh i zuam chih uh. Dothlennak nih pasaltha le nusaltha a hrin tawn hna. kan miphun chung in bochan thlak pasaltha le nusaltha nan chuak lai. Kan zoh thla tuk hna. Chin mino hna le sianghleirun siangakchia hna nih mah dothlennak hi hmaisuang in nawl hram uh. A dihdongh tiang ngol loin pehzulh khawh izuam uh, nanmah chan i cozah nan thlen khawh ahcun hmailei fanau hna le techinfapar, [ next generation ] hna nih a theipar an zuun lai. Nan ule chan ah kan si khawh tawk kan i zuam, thisen tampi, nunnak tampi, hremnak le temturanak phun tampi kan tuar nain kan hlawh a tling kho lo, nanmah chan ah kan hlawhtling hram seh. Kanmah chan i kan hlawh tlin lo caah nanmah chan ah nan tuar, nanmah chan i nan hlawhtlin lo ahcun nan naule, nan fale chan nih an tuar te lai. Ram ca le miphun caah tuanbia dawh tial khawh izuam hram uh. Chin mino hna upatnak le bochannak tampi he, Salai Lairamthang, 88 Generation