Zualko: RIP:US i Bochan Ngaimi Pu Phu Ling Nih Mual a Kan Liamtak

 A poi tak tak. US ah bochan ngaimi kan pa pakhat a simi nih mual a kan liamtak. Hi ti hin langhter a si. Thih Dar Kan Tum:Miphun hawi hna,ZFA nih kan i bochan mi kan pa Pu Phu Ling ( Hmawngtlang) nih tuzing ahkhan Eskenazi Siizung ( Indiana ) in mual a kan liam tak ruangmang ko cang ee.

Ngaihchiatnak a tuarmi chungkhar Bawipa ti nih hnem hram ko hna seh.Ngaihchiatnak tuarpinak he,Source: Zophei Family network of American

Relchap:- Thantlang peng Tlangkhua cu myo ah ka ser lai: Pu Bual Tawn

Thantlang Peng Tlangkhua cu Myo ah ka ser lai tiah Pu Bual Tawn nih December 7 ah The Hakha Times ah a chim.“Tlangkhua myo ah ka ser lai ka ti mi hi ka biatak bak a si. COVID-19 nih a ka dawnh i atu hi ka tlung kho rih lo. Thal  chuah i thok ka duh cang. Tlun khawh a si ahcun ka tlung lai i ka thok cang lai. Minister Pu Sui Thio zong ka rak chimh bal cang. Vice President Pu Henry Van Thio zong Tlangkhua ah a tlung i, khua upa sin ah rak pe ulaw rak chim uh ka ti hna i an chimh cang. Ka tlung lai i Cozah ka chimh hna lai i an ka sianh ko lai ka zumh. Laimi nih kan i bochanmi Dr. Sa Sa zong nih Thantlang in a pinlei ah myo pakhat, cun Thantlang in zo leiah tibantuk a chim an ti. Tlangkhua tluk i khuapi hmun ah a tha mi khua a um theng lai lo. Lai khua ahcun, ka tlung lai i thing khi ka hau hna lai. Cun lam ka cawh colh lai, inn hmun ka phonh lai, a duh mi poh um le pem khawh ding in ka tuah lai. Bawmtu aho hmanh ka ngei rih lo. Keimah bak ka cawl lai i ka tuah ko lai,” tiah Pu Bual Tawn nih The Hakha Times ah a chim.Khuapi ah ka ser ahcun Myone ah Falam Peng khua 20 hrawng khi aa telchih lai. Khuahrin tlang he khua 30 nak tam a si kho lai. India kal nak ding lam ah le Tlangkhua khin a naih bik fawn. Ti laknak hmunhma zong a  rem fawn. Myo ah ka ser hrimhrim lai. Miphun le ram ca ah tiah Pu Bual Tawn nih a chimchap.Pu Bual Tawn hi Kalay Peng Sanpiah khuami a si. BA a dih hnu ah Cozah rian a rak tuan hnu ah India ah Bible Sianginn a kai than. India in M.Th degree a lak. A dih hnu ah ca a tial i cauk a chuah tiah kan theih. Credit: Hakha Time