A Unau pa Biachim mi nih Meithal Kaptu Mitthli a Tlak Ter (Video he)



Zahan khan Palik nih Pakland, Florida sianginn i meithal kaptu pa cu suimilam 11 chung bak bia an phuantenak video cu a chuak. Nicolas Cruz nih bia a phuan lio ah hin a unau pa he biaruahnak caan zong an pek. Mi thattu pa hi a unau pa he bia an i ruah tak tak cu a celh ve hrim lo. (A tanglei ah video zong a um lai) 

Nikolas Cruz, kum 19 pa nih hin tukum Valentine Day ni khan Marjory Stoneman Douglas High School, Parkland, Florida ah minung 17 nunnak bak a rak lak. Sianghngakchia le cawnpiaktu nunnak tiang a rak liam. Sianghngakchia le cawnpiaktu hna hi a meithal kenmi in heh tiah a rak kah hna.

Palik nih an kawmhnak ah hin voi tampi amah le amah hi aa thong. Amah le amah cu ‘Nung ding ah na tlak lo, thi tlak na si’ tiah aa chim hnawh.Mi thattu Cruz nih a phuan tthan mi cu ‘Khuachia Aw nih ka hnakhaw ah kum tampi a ka chonh’ tiah a ti. Palik bawi nih cun Khuachia aw nih cun AR 15 meithal cu caw dingin maw an ti? tiah a hal. Cruz nih cun Yes tiah a a leh.

Cruz nih tutan ah a phuan tthan mi cu..Meithal kah a si lai zan ah khuachia nih a ka chonh tiah a phuan fawn. Zeidah an tuah ding ah an fial? tiah Palik bawi nih a hal tikah. Khang, That, Hrawh (Burn,Kill & Destroy) tiah a leh.

Zahan khan Palik nih Pakland, Florida sianginn i meithal kaptu pa cu suimilam 11 chung bak bia an phuan ter. Nicolas Cruz nih bia a phuan lio ah hin a unau pa he biaruahnak caan an pek. Mi thattu pa hi a unau pa he bia an i ruah tak tak cu a celh ve hrim lo.

Lungkuai in a heh tiah a tap ve ko. Meithal kaptu Nicolas Cruz le a unau pa hi an nu nih mi sin in a lakmi (adop) an si. An chuah ka in an Nu nih hin a rak lak hna i a rak zohkhenh hna. Asinain a nu hi Parkland, Florida i meithal kahnak a chuah hlan a thla thumnak ah khan Pneumonia zawtnak in a nunnak a rak liam cang. A nu thih hnu ah meithal kahnak a tuah hi a si.

A unau pa he bia an i ruah tak tak cu a celh hrim lo. A tap bak ve ko.

A unau pa nih cun..

‘Mi vialte nih a tu cu khuachia ah an in ruah cang. Hihi na si ning tak tak a si loh. Zei ruangah dah hihi na tuah? Ka nu kha rak dam se law zeitindah a ruah hnga? Mi tampi nih misual tak tak zoh in an ka zoh. Asinain mi nih ka cung i an ruahnak vialte hi zei ah ka rel lo. Na unau Pa ka si , Kan dawt tuk’ tiah a ti.

Hi bia hi a unau pa nih a chim bak meithal kaptu pa hi a celh hrim lo. Biatak tein a tap ko. A tanglei ah video zong a um lai.

Source: Mail One



Be the first to comment

Leave a Reply

Your email address will not be published.


*