US Ka Phanh Hnuah Ka Nupi Misual Nu Cu Ka Ṭhen (A hramthok in a dongh tiang)

US Ka Phanh Hnuah Ka Nupi Misual Nu Cu Ka Ṭhen Part-1. Lai leiah kan rak um lio ah hin cun sifak santlai lo te kan rak si i chungkhar ah zeihmanh buaibai nak le i lung hrinh nak zonghi a rak um bal lo, Lai lei kan rak um lio i kan rak buai mi pawl hi cu chim awk ah tlak lo.

Pathian lam hruainak thawngin keimah hi 2006 ah khan Malaysia ka phan i Malaysia ah kumkhat ka um hnu ah Pathian thawngin thluan tein USA kaphan. US ka phanh hin rian ka tuan i keimah tawk te cun ka fel ve ngai kai ti, thlakhat/ thla hnih dan ah hin cun Lai lei ka nu pi le ka fa le hi an hman chawm tete in ka kuat pah ton hna, Kan nu i a chung khat hna zong ka kuat pah ton hna i keimah ka chung le zong hi ka philh hna lo ai tluk bak in ka kuat ton hna ka si khawh tawk in.

Kum 2 a rauh hnuah Lai le i kanu pi le fa ka fa le hna cu ka cah hna i Malaysia ah rak raa uh law ka Case ah kan khumh cia ko hna i Pathian a hna a tlak ah cun a rauh hlah ah ka sin nanrak phan ko lai ka ti hna i an nu farual in an Malaysia ah cun an rak raa hna. Pathian a tha i Malaysia ah caan sau hmanh um manh loin thla 9 a tlin lai hrawngah ka umnak US an rak phan cawlh, Ka fa le hi pa 3 an si i Nu pa 2 Pa pa khat an si. Cun US ah hin nuam tein khua kan saa hna. Rian kan tuan kan re a thei kan tha a baa ko nain kan ni nuam ngai ko.

US cu ramtha a si bantuk in thiam ding le cawn dingmi a tam, Voikhat cu kan nu nih, kan pa Motor mawngh cawn ka duh a ka ti i, aw si maw a tha tuk, kan um nak hi ramtha ram thangcho a si bantuk in zei paoh hi kan thiam a hau i kan cawn a hau ka ti i la lawmh pi ngai. Motor mawngh cu a cawng i thla tlawm pal a rauh hnuah a thiam, a tawi nak in ka tial lai i, mah Motor mawngh a thiam hnu cun rian kal hi ai ngeih tuk cang, a mah tein atlung a kal i, a hnuah cun keimah tu hi Inn hngak ka lo cang, Inn rian zeihmanh a tuah/tuan duh ti lo, rian a tuannak in a rak tin ah hin a hmai a chia i chawnh ngam zong a si tilo.

US an phanh in kum 3 hnuah fapa pakhat te kan ngei than i a hnuh ah cun  ka fapa te cu keimah nih ka um i kan nu tu hi rian a tuan cang, keimah le ka fapa lawng in Inn ah cun kan um, a dang ka fa le hna nih Sianginn an kai i an tin caan zongah a dang in an um ve cang, thla tam nawn kan kal cun kan nu hi a biachim ai dang thluahmah cang, chungkhar ah aa nuam ti lo, a bia zong a ho hak nga cang ai puan phun in a um, ka in chih ko nain a foi lo US an rak phanh hlah kha a nuam deuh tiah ka lungthli tein ka ti.

Voikhat cu Laitlang leiin kan chung khat keimah leiin damlo nak ruang ah Tangka kan tlacham ko kandam lo i nan kan bawm kho hnga maw? kan van sangko an kan ti i, kan Tangka ngeih mi zong cu a tam lo mi pakhat lawng nih rian tuan cu, cu pinah cun kan nu nih na chungkhat le hi an chim tam an damlo zong tam a ka ti, keimah lawng tuam mi nih cun zei tin dah kan kuat khawh hna lai Inn man pek hau lai Bill dangdang zong pek ding tam pi kan ngeih na thei lo maw mah hi maw US thil sining ka thei e cu e kha e na ka ti dai te khan umh a ka ti.

Ka lung fak tuk i Lai lei cu hi tihin ka leh hna, kadam lo i e rian kan tuan kho lo i Tangka kuat ding kan in ngei bak hna lo, tutan cu rak kan theithiam ko uh law a zei ti awk tha, mi do tu rak cawi chung ko uh, kadam bak in rian ka rak tuan lai i ka rak in kuat hna lai tiah ka leh hna. Hihi Part one nak lawng a si rih, (Part 2 nak kan peh than lai.)

US Ka Phanh Hnuah Ka Nupi Misual Nu Cu Ka Then (Part 2)

Ka zaw lo kadam ko nain ka Nupi a biachim le a um tuning ka zoh tikah hin ka thin ahung tuk, keimah lawng in US ka rak um lio hmanhah hin Chungkhar kaphnih in ka rak zoh khenh hna i zeitluk ka tha bat zongah e… Lailei a um pi caah cun pei kan tuan cu ka ti i keimah le keimah hi kai hnemh ton.

Ka dawng le nih mah ti in Phaisa an kan cah hnu tlawmpal caan rau lo teah kannu i a chung lei nih keimah lawng in ka um lio ah Phone an rak ka chawnh, Hello nandam hna maw? Hakha in si e, a ti i a peh mi cun, tukum cu Hakha ah Hmun/Inn Hmun cawk kan duh, a si khawh ah cun Hakha ah hin tukum a si khawh lo hmanhah  hmaikum, kum hramthawk hrawng tal ah khin cun i thial kho uh sih law kan duh ko, zeihmanh cu kan ngeih mi cu a um lo nain hmai lei kan fa le fim cawnnak tal ah a tha deuh lai tiah, cu caah a zei si paoh ah US um nan mah thawng a si ko lai, Lai lei kan sining cu nan theih ko cu ta tiah kan nu i a Ta pa nih cun a ka ti.

Zeitin dah ka leh lai tiawk ka thei lo, ka leh mi cu, Kan nu rian a tuan i a rak tin tikah kan nupa in khua kan rak khang lai i. i ceihhmai nak hna kan rak ngeih te lai i, cu hnuah tawng kan rak in thanh than te hna lai tiah ka leh hna. Elaw si ko seh kan ni lawm tuk e, a thatthat nak in khua rak tuak ko ne uh law tiah kan nu i a tapa nih cun a rak ka leh. Kannu cu zantim dei lei ah khin a rak tin i a Hmai sen nawn khin, kan nu na phan cang maw? na tin cang maw? ka ti i, ka chawn rih tuah hlah ka baatuk, mi tha bat lak ah Inn tin le cangka na holh tam naka neng tuk a ka ti i, Ihnak khan chungah a phone aa chuah i a ka lut tak ai.

Kan Ihnak khan ah cun ka va kal hnawh i, Kannu tuzan lei ah khan Lai lei na ta le nih Phone an rak ka chawnh i, Na ta nih tukum cu nanmah bochan butein tu hi Hakha ah thial kan duh ko i Inn hmun cawk kan duh i, a zeisi paoh ah nan mah nan si ko lai, Kan fa le an Catang tezong a sang deuh cang i fim cawnnak ah hin hi ka kan khua ah hin cun a si kho ti lo, Hmai lei kan fa le fim cawnnak caah tiah hihi kan ni tinh mi le ka saduh thah mi cu a si tiah a ti i, mah cucu zei tin dah na ruah? kan nupa in tuzan ah hin i ruah tiin thawng zong kan thanh than hna a hau ka ti.

Cu tluk a tha a baa ko ruah tiah karuah mi cu a hmai a sen mi vialte cu a tlau dih ko, Lai lei an chungkhar kong ka chimah cun, a si maw? zeitik ah dah an chawnh? a mah lawng maw in maw Hakha ah cun a rakrat? ka nu le ka pa tah an rak raa ve lo ma? a ka ti cawlh. Aw ka ti. a ka timi cu chim ceih tam hau lo, mah bantuk ruah nak hna Lai lei nih an ngeih khawh ah cun tuah piak hnading a si koa tha tuk tiah a ka leh cawlh.

Thaizingah keimah rian ka off lai i keimah he kan ni chawn than lai i tha tein bia zong ka ruah tuah hna lai a tha tuk kan pa a ka ti, e.e.e. simaw kan nu? ka ti i ka lungah a rak chuak cawlh mi cu kan hnuzarlh i ka dawng le an dam lo lio i phaisaa tlawm pal te an kan cah lio i a hmai a chiat ning le a biachim a that loning kha ka ti i ka thinlung a fak tuk. Ka ruah mi cu hi tining te hin cun Caan sau kan um ti kho te hngamaw tihi ka ruah cawlh. Part 3 kan peh than lai.

US Ka Phanh Hnuah Ka Nupi Misual Nu Cu Ka Then (Part 3)

Cu tluk a tha a baa ko ruah tiah karuah mi a hmai a sen mi vialte cu a tlau dih ko, Lai lei an chungkhar kong ka chimah cun, a si maw? zeitik ah dah an chawnh? a mah lawng maw Hakha ah cun a rakrat? ka nu ka pa tah an rak raa ve lo ma? a ka ti cawlh. Aw a ka timi cu chim ceih tam hau lo, mah bantuk ruah nak hna Lai lei nih an ngeih khawh an cun tuah piak hnading a si ko.

Thaizingah keimah rian ka off lai i keimah he kan ni chawn tha lai i tha tein bia zong ka ruah tuah lai a tha tuk kan pa a ka ti, e.e.e. simaw kan nu? ka ti i ka lungah a rak chuak cawlh mi cu kan hnuzarlh i ka dawng le an dam lo lio i phaisaa tlawm pal te an kan cah lio i a hmai a chiat ning le a biachim a that loning kha ka ti i ka thinlung a fak tuk. Ka ruah mi cu hi tining te hin cun Caan sau kan um ti kho te hngamaw tihi ka ruah cawlh.

A thaizing cu a rak phan i Kannu cu a rian cun a Off taktak ko, Lai lei i Hakha ah a rak phan mi a Ta pahe cun phone cu an ni chawn cang, a hlan i Lai lei kan chung khat le sin i kan chim ton mi zeihmanh kan ngei lo US kan um ko nain kanngeih zeihmanh a um lo kan si fak tuk kan ngeih chawm tete in dakaw Lai lei kan nin kuat chawm ve kho hna cuh tiah kan ti ton mi hna kha, Kannu nih cun ai thawh i a Ta pa cu Phone chung cun ka Ta, rak zoh tuah hi Lai lei ah cun a hmuh zong nan hmu bal rih lai lo, Kan TV hi rak zoh tuah a that ning hi a lian taktak, a lianh ning hi Lai lei i kan Ih khun tiah kha dawhkaw si cuh, a rak ti thil dangdang kan ngei chun mi tete hna kha Video call cun an ni chawn i a zoh ter dih kan thil suk nak (Washing machine) te hna kan nih lei cu hi kut zong in thil kan suu ti lo cu, thilsuk nak Seh kan ngei i a ti mah ah cun kan pa khah ka thil suk ding kha Washing machine thilsuk nak ah khan rak peih tuah hna a ka ti pah rih.

Mah ti an ni chawn khan cun Lai lei kan ti cu e.e.e Ka far le US um mi an pa nih kan si fak tuk a rak ti mihi lih pei a rak kan chimh ko hi, hi tluk a rum mi hna hi maw kan sifak tuk e cu e kah e a rak kan ti, phaisaa kuat a kan ngeihlah ruangah ti in a rak ruah cang ai. Kan nu cu a bia a dong ti lo ai! Kan Bizuu hna kan Ih nak khan vial te cu a zoh ter dih na hmu maw ka ta a ti i, ka lung thli tein cun a zeee ka ti, hmai lei koong ka cuanh ah khin ka lungre a thei cia dih cang.

A dongh nak ah a ta pa cu hi tihin a chawnh kan pa hi rian a tuan lo i keimah tuan mi lawng kan si rih i nan tha chia hlah uh, kan fapa a hniang pa te hi a rak tlei lai i kan pahnih hna in rian kan rak tuan khawh ah cun hmai kum ah cun Hakha ah na um kho cang ko lai. Inn Hmun tu cu nan duh mi te rak zoh uh law Tangka cu ka rak ngeih tuah lai, kan pa theih lo karah cun keimah tuanmi lawng dakaw si ko cuh, ka cawm chawm mi an si ko hih, kanpa hna rian rak tuan seh lawmaw van kan tong lai hih. Cu caah Inn hmun tucu rak zoh ko uh a tha mi te Khua lai hrawngah khan a chiami khuahriang lei hna ah maw rak zoh hlah uh cih. Hmai lei kongkau chimh khawh si lohih, Hakha hna zong ah kan rak kir than kho ve cuh.

Thaizing ah tlawmpal ka rak theh lai cun nangmah zong kha Phone hna rak ni cawk a tuchan i Phone hna ngeih lo cu minih an nin nehsawh hna lai. Mangtha uh kha Bye a ti a ti hna. A Ta panih cun Um, vanthat Phone rak ni cawk a ka ti, kai cawk rih lai lo kan khua zongah a um lem rih lo i ka Pocket money ah si ko seh thaizing cu Khuathar lei i ka hawipa ka sawm lai i chun nitlak bak in Bungsai ah kan thua lai. Ka far hi cu um. Narel huam i thathnemh nak a um ko nati ah cun Part 4 Nak kan peh than lai.

Cu caah Inn hmun tucu rak zoh ko uh a tha mi te Khua lai hrawngah khan a chiami khuahriang lei hna ah maw rak zoh hlah uh cih. Hmai lei kongkau chimh khawh si lohih, Hakha hna zong ah kan rak kir than kho ve cuh. Thaizing ah tlawmpal ka rak theh lai cun nangmah zong kha Phone hna rak ni cawk a tuchan i Phone hna ngeih lo cu minih an nin nehsawh hna lai. Mangtha uh kha Bye a ti a ti hna. A Ta panih cun Um, vanthat Phone rak ni cawk a ka ti, kai cawk rih lai lo kan khua zongah a um lem rih lo i ka Pocket money ah si ko seh thaizing cu Khuathar lei i ka hawipa ka sawm lai i chun nitlak bak in Bungsai ah kan thua lai. Ka far hi cu um.

A thaizing cu a hung phan i zeitik ah dah ka farnu nih US lei in a rak ka chawnh te lai ti lawng a bawh ko cang, tlawmpal ah Ring, Ring, Phone a rak raa, zeitin nandam maw? zangfah nak tein ka Ta pa kha ka chawn kho lai maw a US lei in si a mah a um maw? aw um ko hih an hngah nak sautuk cang zeitik ah dah US lei in phone a rat lai tilawng pei a bawh ko cu hi, hah rak chawn ne, Hello e! ka Ta na si ma? aw si ko, khah si le Inn Hmun cawk nak ding cu Phaisaa tlawm pal ka rak theh khah Inn hmun tu kha tha tein rak zoh uh, khua ah va tlung ta law kanu le ka pa he khan Hakha ah hmaizarh khin rak raa than uh, cu  hnunah Inn Hmun a tha mi nan duh mi te nan hmun in Tangka zong cu ka rak in chap piak te hna lai, a tu kan kuat mi hna kha cu Advance in pek hna i ham hna nan duh sual ah kan kuat mi hna si.

Elaw kan ni lawm tuk e ka far aw Bawipa nih thluachuah in pe ko hna seh, si le khah Hmaizarh tuah kanu le kapa cu rak rat pi khawh ka rak i zuam lai i, cun kanu le kapa zong cu na chawnh te hna lai cu, an nin ngai tuk cang, Elaw khah Bye.

A Ta pa cu Tangka hlam ah a Bag he  a chawi cang, Tangka tamnawn cu a Bag cun a hung i bei, Hakha hi khuate bantuk ah a hei ruah cang khuazeimaw pathawng bantuk pikhin a lam kal dan khi ai dang a Lu lei dan zong a hmanh tilo. A hawi le Cycle  cu ai hlan i Hakha khuathar ah a hawipa cu Bungsan kal a va sawm cawlh. Laimi hi Tangka kanngeih bak in kan ruah hmasa mi cu Zuu.

Ka kawi khah Bungsan ah kal uh sih, US lei in ka farnu nih tamnawn te a ka kuat i cu pinah Phone cawknak dingah ka kuat chih, Phone hna cu ka hau rih lo khua te ah cun, Phone cawk nak ding a ka kuat mi hin thua uh sih, zeidah natih ka kawi, na din khawh zat in na din lai, kanthuat lai a ti cang, a harhah cun phang hlah zeihmanh tih hlah ka um hih a hei ti cang an din hlan in a rii cang, hehehe.

Zuu San ah cun an kal cang, Zuu cu an cah lang khat hrawng hrang an hei din ah khin khuate lei in a raa mi pa cu a rii tuk cang, ka rii tuk cang hi ka kawi naduh rih maw? naduh mi paoh chim ka cah lai, zeihmanh phang hlah. Hakha hna hi cu zeihmanh a si lo cu, Pathawng zong an um lo, a ka nen ninghi hi pa hi cu Zuu ka khat te hei din i mah tluk rit cu. Hmaizarh ah ka rak raa than lai hmaizarh cu hinak in a sang deuh mi kan thua cang lai. Part 5 nak kan peh than lai. (Source Laknak: Chin Pyine News)