2022 FIFA World Cup a nai chinchin cang Qatar zong zeizong vialte ready asi cang suih ding mi Fixture le Group zong tuah dih asi cang,
Tukum world cup hi kum dang bantuk in, ram kip nih hin thlungthlai ngai ngai in, program hi tuah asi ve lai maw? timi hi atu tiang thawng pang fiang hi an thanh rih lo khi asi, aruang cun vawlei ram hi tukum cu an buai ceu ko cang caah hin, mipi lungthin zong ah aluttuk lo bantuk in a um khi asi, Russia le Ukraine cu phun dang ah chiah ko sihlaw atu ah hin, India le Pakistan, India le China, China le Taiwan, North Korea hi a luling fawn cang caah, N. Korea le S.Korea karlak boruak asang fawn cang, America ah Joe Biden Administration le Foreign policy achia tuk hringhran ruang ah hin, Afghannistan ah hramthawh in atu tiang vawi buainak a peh zawm peng ruang ah hin, World Cup zong hi zei dah alawh te hnga mu??
2022 FIFA World Cup a nai chinchin cang Nov 21 ah hramthawh ding cu FIFA nih Nov 20 ah hramthawh ding ah ati, Tukum FIFA World Cup rak um ding ah hin Program tuahcia mi cu Nov 21 ah ceremony le match hmasa bik suih ding ah tiah an ticang mi asi, Sihmanselaw FIFA bureau lei nih Qatar World Cup cu November 20-ah hramthawh ding rem an ti dih ah cun opening ceremony le match hmasa bik hi November 20, Sunday ah hramthawh asi te lai tiah news ah langhter asi, Opening ceremony le suih hmasa bik ding ah, World cup latu ram Qatar le Ecuador hna nih an suih ding cu, November 21 or 20 ah khin an suih te lai.
Sihmanselaw kum dang ah an tuah bal mi bantuk si lo in, ceremony an hman hlan ah hin match 2 suihter ding an si, kum dang ah cun ceremony an ngeih hnu long long ah tournament game hi suih ter tawn mi kha asi, Opening ceremony ngeih hlan ah Group A ah um mi Senegal vs Netherlands le Group B ah um mi England le Iran hna cu, suih ding ah ruahman nak tuah asi, mah ruahman nak hi FIFA tang ah regional confederation 6 le president Gianni Infantino hna nih vote hmang in biachahnak an tuah te laik hi asi.
FIFA World Cup hi 1930 in hramthawh asi cang, 1930 to 2018 tiang FIFA world cup champion cang mi ram hna le an championnak kum hna cu, atang lei ah hin langhter asi :-
1).1930 ah Uruguay2). 1934 ah Italy3). 1938 ah Italy4). 1950 ah Uruguay5). 1954 ah Germany6). 1958 ah Brazil
7). 1962 ah Brazil8). 1966 ah England9). 1970 ah Brazil10). 1974 ah Germany11). 1978 ah Argentina
12). 1982 ah Italy13). 1986 ah Argentina14). 1990 ah Germany15). 1994 ah Brazil16). 1998 ah France
17). 2002 ah Brazil18). 2006 ah Italy19). 2010 ah Spain20). 2014 ah Germany21). 2018 ah France
2018 tiang FIFA world cup champion cang mi ram hna le an champion kum hna asi, 1942 le 1946 kum hna hi FIFA world cup ngeih khawh asi lo aruang cu Ralpi World war II nak achuak ruang ah asi, mah hnu ah vawlei remdaihnak that e in UN nih an kalpi hnu long ah 1950 kum in FIFA world cup cu ngeihnak hramthawh than kha asi.
Tu kum World Cup cu ram arumtuk mi Qatar nih cun stadium le Security lei zong ah tlam tling ngai ngai in tangka tamtuk dih in, asi khawh tawk ah dawh le tha in an tuah khi asi, tangka ngei ram asi ve bantuk in Stadium hrimhrim cu hmun 4-5 tiang ah tha ngai ngai in an tuah dih cang khi asi.