37 Million Nak Tam Bak Nih An Zoh Cang.

(A tanglei bik ah a video a um lai) Kan Unau Mizo hlasakthiam pa2 Lalchhanchhuah le Zualbawihi hi an men bak lo. Mirang hla “Don’t Cry Joni” timi hla an sak mi cu zoh tu an tam kho taktak. “Don’t Cry joni” timi hla a satu hna lak ah zohtu nei tam bikmi cu kan unau Mizo hlasakthiam pa2 Lalchhanchhuaha le Zualbawihi hi an si. Vawlei pumpuluk ah view tu a nei tam bik an si. 37 million nak tam bak nih an zoh cang. Vawlei pumpuluk ah an lar taktak.

Kan i fian deuh nak caah, Mizo hlasakthiam Lalchhanchhuah le Zualbawihi nih an sak mi “Don’t Cry Joni” timi hla hi American country Music Artist Conway Twitty nih a phuah mi kha a si. A fanu Joni Lee he record an tuah hnu ah kum 1975 khan an rak released cangmi asi.

Original zong lyrics video in Youtube an chiah mi ah 8.1 million nih an zoh. Hi hi a phuah tu Conway Twitty le a fanu joni Lee nih a sakmi a si, Youtube an video hi kum 7 a liam cangmi asi. Mizo hlasakthiam Lalchhanchhuah le Zualbawihi nih an sak ve tik ah mi 37 million nak tam bak nih an zoh cang. Kan unau Mizo nih an sak nak in kum 3 a si ve cang. Mirang pawl nih an sakmi cu an lonh bak ti nak asi.

Mirang pawl, philipines pawl siseh, miphun dang dang nih an comment nak pawl cu rel a nuam kho taktak. An rak uar cio hna. An thiam tuk fawn. Comment lawng hmang hi mi 10000 deng nih comment an pek. A tanglei bik ah video ka van share chih. Rak zoh cio , thiam nan ti ve cio lai ka zumh.

Video Credit : Zorimawi