74 Anniversary Chin National Day hman kong ah CDF Matupi nih cathanh nak an tuah buainak achuak sual lai maw?
74 Anniversary Chin National Day hman kong ah,
February 20 2022 ah kum 74 Anniversary Chin National Day cu, Chin state Than Tlang ti lo ah cun Myanmar Military Council hna hruainak tang ah CND hman ding in tim tuah asi tiah kan hnu lei news zong ah thanh asi cang bantuk in, ralhrang lei nih Chin ram chung Nu le Pa telpi ve ding ah sawm an si, Military council nih mipi an sawm mi cu CDF Matupi zong nih cathanh anrak tuah ve cawlh kha asi, mah cathanhnak ah cun mipi lei aho hmanh nih telpi lo ding in nawlnak an tuah cang kha asi, a ruang cu CND hmannak kong ah mah tluk ram chung buai lio ah Myanmar Military Council nih an mah hna Day asi lo mi cu, zeiruang ah dah hman an tim timi hi khua ruat cikcek a her mi asi, Min Aung Hlaing nih zei bantuk thil dah an timtuah timi zong ruat awk ngai ngai a um ko tiah mi tampi ruahnak zong asi.
Vawi 74 nak Chin National Day hmannak ding ah hin, Myanmar Military Council nih aning tein kalpi an timh tiah theih asi, mah caah cun avawi 2 theihternak cathanh cu CDF Matupi nih February 19 2022 ah cathanh tuah than in mipi theihternak an tuah fawn khi asi, mah cathanh an tuah duhnak chan cu, kan Chin ram chung ah remdaihnak a um lo, Ralhrang hna nih mipi sualnak angei lo mi an tlaih le thah hna lio ah zeitin dah remdaihnak National Day cu kan hman khawh lai tihi asi, amah belte cu kan umnak ceu ah Flag tar in hman khawh asi lai tiah anrak chim cang fawn kha asi, kan mah tein kan umnak ceu ah hman cu atha ko tiah lam an onh piak zong asi nain Ralhrang pawl hruainak tang ah cun, mipi lei cu aho hmanh tel lo ding in nawlnak an tuah khi asi.
Chin National Day hmannak ding ah Budget ting 2,000,000 tiang pe kasi lai tiah Military Council lei nih kan hnu lei ah arak thanh ko cang kha mu, Tangka ting 2,000,000 ah Chin mi hi kan buai lo, kan buainak bik ding ah cun, miphun zalongnak ngeih hi asi, mah caah cun hlan lio British kut tang in zalong cia mi kan si, mah cu kawl pawl nih nihin ni tiang uknak tha lo le dictatorship in akan uk peng hi kan duh lo khi asi, atu zong ah hin kan ram dirhmun kan zoh tik ah thih le dam karlak ah kan um lio, Chin National Day kan hman piak lai timi cu, zumh ding hrimhrim asi lo pin ah mipi zong nih tel pi lo khi atha bik cem lai tiah Chin miphun vialte nih cun kan duh lo khi asi, rlarin awk ngaingai ding ah thil pakhat te theih ding ah “Dalaan” kan timi hi kan mah Chin miphun chung ah arak um tawn mi lak ah ralrin awk ngai ngai ding ah Chin mipi theihter an si, ralhrang hna nak in “Dalaan” hi tih an nung deuh tawn dakaw cu bantuk minung cu report tuah ve cawlh peng ding ah mipi sin ah nawl an si fawn.