A fanu caah cun ngeihchia tuk asi ee!!

A nu nih Covid-19 a ngei ti cu ahohmanh nih an rak chim bal lo. A donghnak cem a nu a hmuh cu sizung inn kaa in mangttha ti te hmanh ti ta manh lo in, a nu a nunnak a liam cu asi.

Yok Yen Lee a thi mi nu hi kum  69 asi i, a fanu nih a chim ning ahcun virus a ngeih hlan tiang cu mi ngandam ngai mi asi. Amah hi, nu fel, nu ttha, fak piin rianttuan mi, midang zaangfahnak a ngei mi, a fanu le a tule caah upatawktlak le zohchunawktlak tuk mi asi. Cun a rianttuannak zong a tleihchan tuk mi asi, tiah a fanu nihcun a chim.

Covid -19 zawtnak a ngeihnak hi a rianttuannak in a si i, virus a ngeimi rianttuantu dang 11 lakah aa tel ve mi asi. Yok Yen Lee a thih hnu, a thaizing ahhin an rianttuannak cu caan tawite ca (temporarily closed) in khar colh asi. Cun Health Department lei zong nih an rianttuannak cu zoh hlatnak an ngei colh ve.

Yok Yen Lee hi a tule pahnih caah pi ttha tuk, mi ngandam ngai asi. Zarh hnih a luancia ah a rianttuannak ah a rak zaw cang, cun coronavirus zawtnak a langhnak pawl hi a thihhlan nikhat aa duh hmanhah a rak ngei cang  asinain ahohmanh nih an ka chim ballo tiah a fanu nihcun a chim. A thaizing ahcun a nu thawngpang cu thei kho tilo in a chawn kho tilo. Cu tikah a nu cu a thaw hmanh ttha tthi chuah kho tilo in siin lei ah an rak tlikpi cang ti a theih.

A donghnak cem a nu a hmuh cu emergency room inn kaa in a hmuh cu a si. Cu tikah a nu cu mangttha ti te hmanh chim manh ti lo in ngaihchia ngaiin  a nu cu a nunnak a liam.

A fanu Eklund nih a ti mi cu a nu thawngpang kha ttha tein mah ni ah khan ka rak hlat lo sual ahcun a umnak inn ah amah te lawng zongin a rak thi kho mi asi e tiah a chim.

 162 total views,  1 views today

Leave a Reply

Your email address will not be published. Required fields are marked *