Biaknak hruaitu hna nih Khrihfa hna lu tan piak ding in an fawrh hna “Christian Outlook”

India ram hmun dang dang hna ah Khrihfa hna cu serchiatnak an tong ngai ngai ko cang timi hi theih peng asi cang, Nai te ah khan Hindu biaknak hruaitu hna le an tlang Bawi pakhat nih cun Khrihfa ah alut mi hna cu an lu tan piak ding in faktuk in bia acah hna cang tiah thei asi, Hindu exteme mi hna nih cun an biaknak in Khrihfa ah a let mi hna cu duh lonak langhter in, thla hmasa ah khan Chhattisgarh ah lam zawhnak an tuah, mah ah hin an tlangbawi pakhat Swami Parmatmanand nih an khua le an veng chung ah Khrihfa hna an ra ah cun, an cung ah zeihmanh zangfahnak langhter hlah u tiin mipi hna cu bia an cah, ṭha tein nachawnh hmasa hnu ah nan bia an ngai lo ah cun hleitlung le nam tawng hna cu hman mai ding asi tiin acah hna a rapthlak ngai ko.

Open Door Director of Advocacy Dr David Landrum nih politician tampi nih Khrihfa hna chung ah tha zang hman cu an support ngai ko caah, Hindu pawl vote an hmuh khawhnak hnga hmanrua ah an hmang tawn tiin a chim, Democracy ram ah biaknak lei ah free asi mi cu Upat lonak atam chinchin cang khi asi apoi bak ko, vawlei ram dang mi hna zong nih mah kong hi thei ve se atha ngai ko lai, aruang cu Khrihfa hna nih kan tuartuk mi hi vawleipi nih athei ah cun Democracy ram ah mah bantuk Khrihfa hna nih serchiatnak an ton mi cu media hna ah atam khawhnak chung in langhterse timi hi an duh mi asi.

India ram hi Hindu ram ah tuah an timh mi hi can asau ngai cang, ahram thawh mi hna cu RSS hna hi an si, Open Doors nih an tar lan ning ah cun vawlei pumpi ah Khrihfa hna zalong lonak ram ah, India hi 10-nak dirhmun ah adir lio mi asi, Khrihfa hna lak ah aphun phun in tuah duhdahnak aphan ngai ngai ko, mah thil ah hin Police hna le nawlngeitu hna hni hin hma lak bantuk in lang ko hmanh ah, adonghnak tiang case tuah in hremnak apek timi hi a um bal lo khi asi, mah caah cun Khrihfa hna himnak hi acoyah nawl ngeitu hna zong nih a pel bal lo, mah caah cun kan umnak kip ah bawipa sin ah thlacam hi bia pi ngai ko khi asi cang zei dang kan tuah kho ti lo cu!