Chin Nu hna nih atu bantuk in an pasal an zohkhenh bak ah cun chungkhar buai, ithen tibantuk hna hi 99% in a um bal lai lo!

Chin Nu hna nih atu bantuk in an pasal an zohkhenh bak ah cun chungkhar buai, ithen tibantuk hna hi 99% in a um bal lai lo!

Na pasal cu ihkhun nuam ngainak ah (sex)-ah aduh ning te in le thiam ngaingai in cawlcangpi aduh timi cu athlitein beiseinak angeih mi asi, Mi ningzah phun nasi caah ngam lo zong nasi kho, nain Nupi pasal si ding ah biakampi nasi cang caah, sex-lei ah lungawinak nap ek khawh lo asi ah cun, nupa karlak akau deuh deuh sual lonak hnga natuah bal lo mi thil dang ngai na pasal he nan niduh lio bantuk tein na pasal cu phurnak tuah piak khawh hmang in nuamnak nap ek mi kha na pasal saduhthah bik nak asi, na thiam lo hmanh ah cawn khawh mi thil asi, nathiam tuk lo hmanh ah thiam na tim ve timi na pasal sin ah nan langhter mi nih khan amit na tlung ngaingai ko cang khi asi pin ah na pasal zong lung awite in nuamnak na pek khawh cang caah anuam ve ko cang.

Ei/din thaw ngaitein tuah piak tawn ding ah na pasal nih cun beiseinak angeih tawn timi kha philh hla law, A riantuannak in narak lawi ah Inka na luh rualrual in na meh tuah mi rim thaw ngai mi nih an dawtnak cu asang sinsin timi kha theih piak peng ko mu.

Dawtnak ngeih aduh na pasal kha an riantuannak ah aba ve ngai ngai tawn ko lai, na pawng ah zei maw tiin a umtu ning dang deuh in umnak can angei ko lai, mah lio ah cun dawt ngai ngai tein nachawnh te lai, acancan ah cun ngakchia te bantuk in dawtnak can ngeih zong aher te lai, mah lio ah na pasal cu tha zang damtertu cu nangmah bak kha na si ko cu.

A thinhun lio ah rak holh ve tawn hna, nan ni sik can hna ah na dai duh bak lo lio hna ah, kut thlak lo ding in asum ve ngaingai lio hna kha theih piak law, a thinhung cang tiah natheih cang ah cun daitein nan um piak ah khan na pasal nih an thangthat te ko lai timi kha philh hlah law atha.

Biaknak lei le zatlang caah mi san tlai ngai mi Nupi nasi bantuk in na pasal thil tuah nak ah kalpi tawn ve ko, fawrfel pah in le tha pek pah an duh ko, a thil tuah mi hna ah zei rel piak lo bantuk in na langhter ah cun, Nupa karlak ah soiselnak le zei maw rem lonak phantertu asi caah chungkhar iremh lonak hramthawh asi timi kha theih peng ko mu.

A cancan ah cun ngakchia bantuk in capo bia hna khi aduh vetawn, cun bath room hna ah nan pahnih tein ikhawlh ti hna hi duhnak can angei vetawn lai, asi khawh ah cun nan pahnih tein ikhawlh titawn hi nan pasal tha damnak pakhat asi.

Zu dintawn mi Nupi nasi ah cun thlacam piak long aza lo, bia ruahpi tawnlaw thil tuah ding mi hna ruahman pi ko, tang dawr nun ngei tein le holhka isum ngaingai tein din ti lo ding in lam hmuh piak law tlamtlingnak can na ngei te lai.

Nan umti can hna ah capo bia hna hei chim piak law niter peng ko, cu ti asi ah cun na pawngkam ah um peng hi aduh tawn pin ah, nangmah tel lo in um hi nuam ati lo pin ah an ngai vetawn lai timi philh hla mu!

Nan umti hlan ah thil cang mi hna hi chim peng hi atha lo ngai, thilk al liam cang mi chim peng ah hin lungnuam lonak le lungthin ah a um peng caah nikhat can khat ah iremh lonak chuahtertu asi caah ralrin peng atha.

Zan lei nan it ti lai ah phur ngai ngai in ihkhun ah capo bia le na dawttuk nak kong hna chim piak hmasa law, chun an riantuannak zong ah alungthin ah acam peng ko lai timi hi theih piak law nathiam ning tein nuamnak tuah piak ko.

A chunglei lak ah nalung nuam lonak hna a um sual ah cun, na pasal sin long ah chim piak tawn ko, thil umtu ning le si ning hna kha fiang fai tein chim piak law mah cu iremh nak lam hramthawhnak asi.

Nungak na si lio ah an duh bantuk in nangmah ah hmuh an duh peng ko caah, na taksa le muisam hna cu thiang tein le make-up hna tibantuk zong hman ve kha asualnak atam lai lo, na pasal lawmnak chinchin khi asi deuh pin ah kiss duhnak angei vetawn lai.

Nangmah lak ah zei maw lung awi lonak angeih kho men, mah lio ah na thiam ning tein chim fiannak ngeih hna kha thadamnak asi, thlithup mi bia ngei bak lo tein na chim ah cun zumh ngamnak asang chinchin te ko lai.

Zeitik can poh ah asin ah lawmnak bia chim philh hlah law, dawtnak langhter peng fawn ko, athli tein alungchung ah lawmnak in akhat ve ko cu.

Note: acung ah kan tarlan cang bantuk in Nu nih napsal sin ah nan langhter khawh taktak ah cun zei tik hmanh ah chungkhar ithen, Nuva ithen, chungkhar an buai, an nupi atli/azam timi hi a um bal lo hrimhrim tiah Psychology mithiam hna nih anrak hlatthlai cikcek hnu ah atu bantuk in Nuva kong ah anrak langhter mi asi, ka lawm chungkhar nuam hmang ceu ding ah duhsaknak he.

Cre:Moses pa