China nih fa zohkhenh tha lo Nu le Pa hna hremnak caah dan/upadi thar an tuah atha khotuk,

China Parliament nih ngakchia zohkhennak kong ah tha tein zoh lo in nun sual lei ah akal ah cun, Upadi buar asi mi Nu le Pa hna cu, hrem khawhnak Upadi tuah tim asi, Family education promotion law tuah tim asi caah atu ah drafting lio asi, mah upadi tuah ding ah hin prosecutor-hna nih ngakchia nunning tha lo ah ruah mi le Upadi buar mi hna cu an mah zohkhentu sik/warning pek in, family education guidance programme kalternak ding tuah chih tim asi.

National People’s Congress (NPC)-ah Legislative Affairs Commission bia phuangtu Zang Tiewei nih, “Nungak tlangval note hna nunning dawh lo ngai in khuasa mi hna cu chan tampi angei ko lai, a chan lian bik cu chungkhar ah cawnpiaknak angah lo ruang ah maw, cawnpiaknak atlawmtuk ruang ah maw asi khawh lai ati, mah upadi thar tuah mi hi NPC Standing Committee nih tuzar ah hin zohthan asi lai, Upadi thar tuah ding ah hin nu le pa hna cu an fa hna caah, Idinnak tha le lente celhnak tha, exercise lak can hna tuah piak ding ah tiah ati fawn, China ah hin tukum ah nawl pek chuah asi cang, ngakchia hna cu opium bantuk in online games an tongtuk lonak hnga, internet celebrity-tong mi hna stop piak tim asi.

Education ministry nih ngakchia caah games khelh khawhnak can zong tuah piak in, Friday, Saturday le Sunday hna ah online games suimilam pa khat  chung long sian piak asi lai, Zar dongh nak caah Home work pek tawn mi zong tlawmter deuh in, Siangnakchia caah cawnnak lei ah phurrit tuk lo ding ah, school chuah hnu le zar dongh le holiday-hna ah adang tein tution lak kham piak asi fawn, China nih hin mipa kum note mi hna cu nu bantuk in um lo ding ah, mipa manly taktak ah khuasak ding asi ati, education ministry nih school-ah cawn lio mipa hna caah, football le sport lei ah uar deuh ding in ati fawn hna.