Delhi ah um mi Chin Khrihfa hna nih “New Year kumthar” kan hmang kho ti lo khi asi, Khrihfa hna kan zalong ti lo??

Delhi Khrihfa vialte hna nih kum khat chung kan hngah ve mi Kumthar cu, hman ve ding in Churches & Fellowship nih kanrak in tuaktan ceu ko hna, Delhi Chief Minister zong nih Christmas cu, Legislative hmanh nih Biaknak vialte aho hmanh thlei dannak um lo te in free in Christmas hman khawh ceu ding in duhsak nak he anrak phuan khi asi, mikip nih zalong tein hman ceu ding ah an duh lio ah, Central acoyah nih Khrihfa hna hi aphun phun in harnak apek nak cu atu ah hin ataktak in, kanrak hngah mi kumthar cu hmang kho lo ding in nawl arak chuah khi asi, mah cu atu ah hin Delhi ah um mi Chin Khrihfa hna cu lunghnur ngaingai in mah le in chungkhar ah kan um ko hih, Khrihfa U le nau hna kan vawleipi hi hna ngam nak angei ti lo e, Setan zong nih zei zei maw hmang in atu bantuk in kan zumh mi Pathian hmanh biak khawh lo ding in akan khamh ko cang timi hi afiang ngai ko cang e!

Nikum Covid-19 zawtnak lio ah cun a serious ve bak mi asi caah pum khawm khawh lo hmanh ah apoi lo nain, atu ah Omicron zawtnak hi Delhi ah cun mah tluk in serious zong asi lem lo nain, Khrihfa hna nepchepnak hman rua pakhat asi ko in mi taqmpi nih an ruah khi asi, Pathian nih hin zei tin dah Khrihfa hna caah khua akan khan piak te lai?? Vawlei hi adonghnak lei kan phan cang ruang ah cun thil asi ning le aphan ding mi harsatnak zong asi kho ko, amah belte cu, atu bantuk Khrihfa ni sunglawi hna ah Pathian thangthat khawh lo in kan um cang ah cun, kan hmai lei can hi chim thiam ahar ngai ngai ko cang khi asi, vawlei donghnak lei kan phan taktak maw asi cang hnga timi zong hi ruah ngai ngai awk asi ko cang in ka theih?

India acoyah BJP nih hin Khrihfa hna hi an duh lo ngai ngai mi asi cang caah, naite zong ah khan Mother Teresa ngak tah zohkhen tu sponsor vialte hna cu India acoyah nih an phih piak dih cang tiah thawng pang zong theih asi ko kha mu! Atu ah hin India New Delhi ah um mi abik in Chin ralzam mi hna hi zei tin dah kan um kal lai timi hi biapi ngai in ruah aherh taktak ko cang? Ralzam thar hi minung thawng leng aphan ko cang nain atu tiang Inter view taktak ding ah appointment pek hi a umrih lo tluk khi asi, Central acoyah nih ralzam kong ah zei hmanh bia chimnak an ngeih rih fawn lo, UNHCR zong nih Home Ministry nawl lo ah cun UN card pek taktak ding ah an ngamh fawn rih lo khi asi, ralzam hna dirhmun cu abuai ve bak fawn khi asi, Zei tin dah India acoyah hi kan biak chawnh khawh lai?? Aho nih dah mawh phurnak alak lai?? Aho te rian dah asi?? Atu ralzam dir hmun hi ahar bak ko, t uhlan bantuk in factory riantuan ding a um fawn lo, ram dang chungkhar hna nih zeimaw zat cu an bawm ko lai afiang nain, chungkhar angei ve lo mi le, himnak duh ruang ah arak zam mi hna kong hi zei tin dah asi lai??