Delhi Media nih Rung Lian Ceu an Uar Khawh Ning (Video)

Naga ram in teinak le lawmhnak he Rung Lian Ceu cu an ram US lei kir dingin zahan khan New Delhi khuapi a phan. New Delhi ah hin Lai Media tampi an um. Lai media New Delhi ummi hna nih cun Rung Lian Ceu le WPC chairman Pu Ang Cung hna cu Park ah lentecelhpi dingin an sawm. Lai media nih a but bak in an but khawh ko. Rung Lian Ceu hi nikhat te lawng New Delhi ah a cam nain Lai Media nih a kong hi tlangtaar 15 leng in an Post kawh. New Delhi i a ummi Lai Media pawl hi Lai tlang hna khin hei um hna selaw News relawk tor kan ngei theu lai. An men hrim hrim lo.

Delhi Lai media pawl nih Rung Lian Ceu an But Hnawh nak Video zong tanglei bik ah a um lai. 

Delhi khuabawi Pu Tin Cung Lian nih Media sin ah lawmhnak bia a chim. 

Rung Lian Ceu Park lentecelhnak hmanthlak pawl. Aa nuam kho tak tak.

Happy Rung Lian Ceu aa nuam kho tuk. A happy kho tuk. 

Rung Lian Ceu nih tutan Nagaland aa Paihnak ah a hmuh mi tangka vialte cu a dih lak in a hlut dih. Hi konghe pehtlaiin Rung Lian Ceu a rak zultu World Paih Champion Chairman Pu Ang Cung a tanglei bantuk in Delhi Chinmi zeimawzat hna hmai ka ah a chimmi a si.

Achimmi cu Rung Lian Ceu a pa he chawnhnak kan ngei. I, a ka timi cu tutan ah lawmman nan hmuhmi tangka hi rak kirpi hlah uh tiah a ka chimh. Ka timi cu nangmah na duh ning tein kan rak tawlrel ko lai, nangmah nih a tha na timi ning vun chimchih law tiah ka hal i, aka timi cu nanmah nih a tha nan tining tein rak tawlrel ko tiah a ka chimh.

Cu hnu ah Rung Lian Ceu nih lawmman a hmuhmi tangka cu hmun nga ah kan tthen i, kan phawtzamh hna. Pakhat nak ah Hakha lei in a rak rami hna sin ah India tangka in Rs.100,00 kan ronh hna i, a pahnihnak ah India ram New Delhi a rak kan zultu hna an pathum in thong 10 cio laksawng kan chuah hna.

Cun Nagaland an um chungah an mah a zohkhanhtu pakhat zong India tangka in thong 10 laksawng a chuah tthan. A dang a tangmi India tangka in thong 60 cu kan ram le miphun caah rian a ttuanmi CNF caah kan hlut tiah laksaawng konghe pehtlaiin a chim chih. Rung Lian Ceu cu tutan Nagaland aa Paihnak ah Pathumnak laksawng a lak i, india tangka in Tingkhat a hmuh.

Culawng siloin Paih a thiambik laksawng ah India tangka in thong 10 a hmuh tthan. Acung lei deuh ah chimcia bangin tutan ah Rung Lian Ceu nih a hmuhmi tangka dih lak hi india tangka in Tingkhat le Thonghra a si. Cu a hmuhmi vialte cu amah nih pakhat hmanh i lak lo tein a hlut dih hna tiah Pu Ang Cung nih a chim. 

Delhi Lai media pawl nih Rung Lian Ceu an But Hnawh nak Video.

Rung Lian Ceu hi Champion tak tak a si timi capar zong ka hin rel khawh a si.

http://www.salaikawltu.com/lai-paih/rung-lian-ceu-hi-champion-tak-tak-cu-a-si/

Credit: Chin Viral, Chinlung Post
 

Leave a Reply

Your email address will not be published. Required fields are marked *