Dr. Aung Myint Thang le James timi pa cu AungLa Nsang kong ah an i chuahsual cikcek. An it kho te hnga dek maw! – Salai Kawltu

Dr. Aung Myint Thang le James timi pa cu AungLa Nsang kong ah an i chuahsual cikcek. An it kho te hnga dek maw!

Tutan Aung La N Sang le Brando Vera i phomhnak ah Laimi zong nih biaphuan phun phun kan ngei ve. A cheu biaphuan a dik. A cheu biaphuan a dik deuh lo. A tanglei pawl nih hin an hmuhning le an zumhning bak in an langhter. Asinain an bia phuan hi a dik lo ah aa cang ai. Asinain Aung La N Sang nih tutan i a tei hi zeidang ruang ah siloin Pathian thawng bak asi tiah a zumtu tampi an um ve thiam thiam. Minung lei tahnak cung Aung La N Sang nih tei khawh ding a si lo tiah a zum tu tampi an um ve.

AUNG LAH NSANG HI AWNG KHO DING A SILOH (James Lallian Zuala)

Aung lah Midle le Light Haevy ah cun mi ṭha bik le mi thawngbik a si ti mi kan theih ciau ko. A tu i A fight ding mi hi midang a si cang BRANDON VERA an ti kha si Haevy weight Fighter zawng i a ṭhabik pakhat a si ve a kum cu a tam cang nain micak hrim hrim a rak si, Aung la he hin a ziah an i fight ? Chatri Sityodtong Chairman of Board nih hin maw Aung la hi Sungseh a ti ruang maw si fight ter a timh ? Amah nak i alian mi le a khanh mi hi Zeitin thla a tei khawh la? a mah Aung la nih hin Duhlo ding khi si ko A hmailei ca zawng i thil ṭhalo le i hliam khuai nakding a si kho mi si. Round 2 hmanh hi an i fight hnga maw Vera nih hin Knockout in a tei hrim ko la ti mi a fiang ko. Kawlpa Aungla nsang hi Awngseh ti naduhah cun Thla cam in bawm ko ne…

Saya Aung Myint Thang zong aa palh ve ne ai. Ruahnak le hmuhning cu chim phung a si ko. Biaphuan hmanh dik hlah se law an ruahnak raltha tein an langhter ngam caah upat awk an tlak thiam thiam. Tutan teinak hi Pathian bawmh a si lai ti hi ruah cio a si.

 

A zei si paoh ah Chin mi kan unau a simi Kachin Pa Aung La N Sang nih teinak a hmuh caah lawm um tuk hring hran. 

 Aung la nih Brando Vera Dawh Tak Tak i a Teinak Video zong a tanglei bik ah a um lai.

Brandon Vera hi upat awk a tlak tak tak. Lentecelhnak lungput tak tak Sports man Sprit timi bak a ngei tiah ti khawh a si. Laimi nih hibantuk lungput hi ngei kho u si law zeitluk in dah a lungawi hnga mu. Aung la he thi lo nung lo i an i phomh hnu ah hibantuk bia dawh tak tak a chim khawh mi hi upat lo awk a tha lo. Tutan ah Aung la N Sang nih teinak  a hmuh hi kan lawmhpi tuk asinain Brandon Vera nih a sungh bu i a chimmi bia hi thazaang laknak ah hman tlak bak a si.

Aung La N Sang nih a tei hnu i a chimmi bia a sunglawi kho tuk. Brandon Vera nih cun hi ti hin a chim ” A caan ahcun Thil hi duh ning le timhtuah ning in a kal tawn lo. A caan ahcun thil hi zeitluk har in na dawi i thil hi tlamtling khitkhet tawn ko hmanh se law a tlamtling tawn lo. Kaa lawm maw ti ahcun Kaa lawm lo. Asinain Aung La N Sang Congratulation Unau pa (Brother) kan lawmpi than. Na hmuh ding hrim hrim le na hmuh awk hnga ding hrim hrim a si tiah a chim. Cun a peh tthan mi cu ‘ Ka chim cang bantuk in a caan ahcun thil hi kan duh ning in a si tawn lo. Cu nih na chungmang dawi lo in ingol colh ding ti nak a si hrim hrim lo’ tiah a ngaihchia bu in a chim.

Cun Aung la nih Brando Vera a tei cang ka i a Chimmi Bia cu a ropui kho tak tak ve. That’s was fun bak a ti ko. Cun a peh rih mi cu Tokyo mipi nan dihlak cung ah kaa lawm tuk. Kan dawt tuk h na. Kaa lawm tuk. Kum 19 ka si in aa tthuami ka rak si cang. Kawlram fans pawl sin ah I Love You Myanmar  tiah a chim.  

Tuni One Championship Final zoh cu a nuam hringhran. Aung La le Vera hrim hrim hi zoh an nuam kho tuk. Online le TV in vawleicung hmunzakip i a ummi hna nih an zoh. Aung La le Brandon Vera hna hi Light Heavyweight World Championship Title aa cuhmi an si. Aung la hi a san lei ah 185 cms a si i Brandon hi 191 cms a si ve. Title phun phun icuhnak a um i Lightweight, Welterweight, Bantamweight, Strawweight,Atomweight,Heavyweight pawl hi an i phomh cang hna. A tam deuh Title pawl hi Japan lawng te nih an lak rih. Heavyweight belte ah India pa Arjan Bhullar nih Round 3 ah Italy pa Mauro Cerilli cu Unanimous Decision in a tei ve.

Tutan  Light Heavyweight World Championship Belt Aung La nih Brandon Vera cu a tei caah a lak than. Winner a si than. Round 2 bak ah a tei.

Tutan ah Light Heavyweight World Championship cu

Brandon Michael Vera hi American chuak Filipino thisa a kengmi a si. 2002 kum khan MMA le UFC ah aa phomh cang. Vera hi 2005 kum khan WEC Heavy Weight Grand Prix Champion a rak s. Atu zong ah One Championship Heavyweight champion bak asi.   Zahan naite khan Vera nih Aung la a hmuh ning cu hi ti hin a rak chim. ‘ Tih a nung tak takmi minung le vawleicung i aa toidor bikmi pa, Aung La he kan i phomh lai. Dirhmun sang ah caan tampi a pengmi pa a si. A thawng tak tak i thiam zong a thiam tak tak. Game kal ning cang zong a thei tak tak. Mah thir-kulh chung i thil umtu hi a theih tuk. Zei dah a lawh lai ti cu ka thei ve lo. Iphomhnak hi fiang tak tak in i tei bak a si lai i zei Round set ah dah a dih lai ti belte ka chim kho lo. Round 4 pin cu a sau ka zumh lo tiah fiang tein a chim.

Aung La Tuanbia tawi a thei lomi caah.

One Middleweight le Light Heavyweight World Champion asimi Aung La N Sang hi kawlram ah a chuakmi asi i 2003 i United States ah ai thial hlan, Yangon i sianginn a kai lio ah hin lentecelh nak lai hi a rak zuam ngaingaimi asi. US i ai thial hnu, Michigan um Andrews University ah Agriculture Science a cawn lio ah hin a tu i a rian hi cawnnak a rak tuah lengmang cang i Martial arts lei ah kar a hung hlang.

A sianginn kai ai liim in ramchung hmun dangdang a tlawng i mipeem zohkhenhnak rian a tuan. Asi nain cu a rian cu a chiah than I martial arts  lei ah a nun hmang ding in biachahnak a hun tuah than. Aung La N Sang nih a thiamnak hi 2005 ah khan a rak hman cang I I tlawmpal ah a thiamnak le thawnnak nih a min a hun thanter i “The Burmises Python” tiah minkeem tiang a hun ngeih hi asi. Hawi he ai phomh I a teinak a hmuhnak paoh hi zoh tik ah pahrawng a ngeih bakmi asi ti a lang lengmang.

One Championship ah hin 2014 ah min a rak thut i Aung La cu kum hnih a rauh hnu ah Kawlram ah a rak kir. Cu ka ahcun teinak a hmuh I miphun caah hero ah a hung cang. Asi nain Kawlram pumpu caah hero a hung  si a langhnak cu June 2017 khan ai thok ti khawh asi. Vitaly Bigdash a hun tei caah ONE Middleweight World Champion a hun co,  rampi caah teinak a kan hmuh piak an ti caah rammi zapi nih an thangthat.  2018 ah khan Alexandre Machado cu knockout in a hun phomh than I ONE Light Heavyweight World Championship a hun co than.

Source: One Championship.

Aung la nih Brando Vera Dawh Tak Tak i a Teinak Video. Aa dawh kho ve si.

Brando Vera Sung Hnu i Bia a Chimmi hi Ropui ko

Credit: Lai Pa

Leave a Reply

Your email address will not be published. Required fields are marked *